Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битЗаман һәм безАктуаль тема → Ташламалар мохтаҗларга гына биреләчәк

Ташламалар мохтаҗларга гына биреләчәк

07 декабря 2015
1040 карау
Республикабызда яшәүче 1,5 миллионнан артык кеше нинди дә булса социаль ярдәм чарасы ала. Ягъни һәр өченче татарстанлыга республика яки федераль бюджеттан субсидия-компенсацияләр күчерелә. Гадәттә, билгеле бер категориягә караган гражданнарга әлеге ярдәм төрләре автомат рәвештә билгеләнә. Әмма соңгы елларда пособие-субсидияләрне мохтаҗлык принципларына таянып бирә башладылар.

Дәүләт ярдәме адреслы булырга тиеш дип шактый күптәннән әйтеп киләләр. Башка илләрдән үрнәк алып, хәзер бездә дә бу юнәлештә актив эш алып барыла. Законнарга үзгәрешләр кертеп, ярдәмгә мохтаҗ түгел, үз-үзен кайгыртыр хәлдә дип табылганнарга субсидияләрне бетерәләр. Татарстан Хезмәт, халыкны эш белән тәэмин итү һәм социаль яклау министрының беренче урынбасары Наталья Бутаева сүзләренчә, шул рәвешле янга калдырылган акчаларны төбәкләр башка социаль юнәлешләрдә файдалана ала, чын-чынлап мохтаҗ булганнарга ярдәм итү мөмкинлеге арта.

Быел “Татарстан Республикасында халыкка адреслы социаль ярдәм күрсәтү турындагы” законга бер төркем үзгәрешләр кертелде. Алар нигезендә, киләсе елдан “хезмәт ветераны” исеме бирелгәннәргә ташламалар нәкъ менә керем дәрәҗәсенә карап билгеләнә башлый. Әмма бүгенге көндә ташламаларга ия бу категория гражданнарга борчылырга урын юк. Барлык үзгәрешләр 2016 елның 1 гыйнварыннан үз хокукларын белдерүчеләргә генә кагылачак.

Наталья Бутаева китергән мәгълүматлар буенча, бүгенге көндә Татарстанда 232 мең хезмәт ветераны исәпләнә. Бүген алар торак-коммуналь хуҗалык хезмәтләре өчен 50 процент кына түли, телефонга абонент түләве өчен субсидия һәм транспортта йөрү өчен ай саен билгеләнгән күләмдә акча ала. Яңа елдан беренче ике ташлама керем дәрәҗәсе 20 мең сумнан артмаучыларга гына биреләчәк.

Транспорт чыгымнарына дигән субсидия бирүдәге үзгәрешләр исә, “хезмәт ветераннары”на гына түгел, гомумән, барлык пенсионерларга да кагылачак. Ә алар республикабызда 512 мең. Кереме 20 мең сумнан артмаган өлкәннәргә транспортта йөрү өчен 427 сум (киләсе елда социаль йөрү билеты шул бәядән булачак) түләнәчәк. Керем дәрәҗәсе 20 меңнән күбрәк булганнарга исә, 280 сум гына күчереләчәк. Ягъни социаль йөрү билеты алу өчен алар бу суммага үзләреннән акча өстәргә тиеш булачак.

- Ел саен республикабызда 9,5 мең яңа хезмәт ветераны өстәлә. Үзгәрешләр, безнең исәпләүләр буенча, шуларның 1,5 меңенә генә кагылачак. Нәкъ шул кадәр хезмәт ветеранының гомуми кереме 20 меңнән артып китә. Эшләүче пенсионерның уртача кереме 29 мең сум тәшкил итә, - дип белдерде Наталья Бутаева.

Закондагы үзгәрешләр турындагы мәгълүмат ноябрь өчен исәп-фактураларының арткы битендә урнаштырылачак. Әгәр мондый мәгълүмат булмый икән, димәк бу яңалыкларның сезгә бернинди катнашы юк. Түләү кәгазьләрендә күрсәтелгән телефон буенча аңлашылып бетмәгән мәсьәләләргә ачыклык кертергә мөмкин.

Ел саен Татарстан Хезмәт, халыкны эш белән тәэмин итү һәм социаль яклау министрлыгы тарафаннан түләнгән ярдәм чаралары күләме арта бара. Узган елда бу максатларга 12 миллиард сум юнәлтелгән булса, быел түләнгән субсидияләр-компенсацияләр суммасы 14 миллиард сум тәшкил итәчәк.

сылтама: http://www.intertat.ru

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com
Orgy