Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битЯшәешМин ачкан дөнья → Хатын-кызлар кайда яхшы яши?

Хатын-кызлар кайда яхшы яши?

Фәнзилә Мостафина
Фәнзилә Мостафина
13 апреля 2018
216 карау
Белгечләр хатын-кызларга яшәү җиңелрәк булган илләр исемлеген төзегән. Менә алар:

Сингапур
1961 елда ил хакимияте хатын-кызларның тормышын яхшырту турында закон проекты кабул иткән. Олы яшьтәме ул, яшь кызмы, әллә кичә генә бала тудыру йортыннан чыккан кызчыкмы – аерма юк, барысы да яхшы шартларда яшәргә тиеш, дип исәпли Сингапур хакимияте. Шуңа өстәп, бу илдә икътисад та тотрыклы, яшәү дәрәҗәсе дә югары.

Португалия
1976 елда ил хакимияте ирләр белән хатын-кызларның хокукларын тигезләгән. Ел саен хатын-кызларның яшәү рәвешен яхшырта торган проектлар уйлап табылып тора. Өстәвенә, Португалия тормышның тәмен табып яшәү өчен иң кулай илләрнең берсе булып санала.

Италия
Монда ирләр белән хатын-кызларны тигезли торган закон 1975 елда кабул ителгән. Итальян ирләре бу канун белән килешкән һәм хатын-кызларын бик хөрмәтләп, аларга юл куеп яши, ди.

Люксембург
Ә бу ил дөньяда беренче булып хатын-кызларның хокукын таный. Хәзерге көндә дә яшәү сыйфатын яхшырту буенча күп эшләр эшләнә.

Швеция
Хатын-кызларның ничек яшәвен күрсәтү өчен, Швециядәге бер канунны гына атау да җитә. Монда университетта бирелә торган фәнни дәрәҗәләрнең өчтән икесе хатын-кызларга бүленеп бирелә. Ирләргә фәнни дәрәҗә алу өчен күбрәк тырышырга туры килә, чөнки аларга өчтән бер өлеш кенә кала.     

фото: https://pixabay.com

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com