Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»

Тозак

Люция Әблиева
Люция Әблиева
19 марта 2018
1213 карау
«Парк белән күрше яшисең, атнасына бер-ике тапкыр урап чыксаң да, ярты авырлыгыңны ташларсың», – диләр миңа хезмәттәшләрем. Шулай дигән булалар. Белми алар, анда нинди тозак барлыгын! «Ярый, – мин әйтәм, – килегез, алып чыгам паркка, бергәләп ябыгырбыз».

Җыена торгач, тәки җыенып беттек. Чираттагы ял көннәренең берсендә, иртәнге сәгать тугызда бүлектәге алты хатын-кыз, как штык, парк каршында очраштык. Капкадан кереп бетмәдек, бүлек җитәкчебезнең күзе милли ризыклар сатыла торган кибеттәге өчпочмакларга төште. Җитәкчедән калышып булмый инде – барыбыз да өчпочмаклар белән сыйландык. Борыннарны кытыклап, авыздан сулар китереп торган тәмле ис бассейнга кертмәде, яныннан гына узып киттек. Коену костюмнарын алганыбызны да онытып, яшь тайлар кебек, кафега таба җилдердек. Ярыйсы гына анда да сыйланып чыктык. Шуннан аллея кырыена куелган эскәмияләргә утырып, роликлы тимераякта шуучыларны, велосипед, скейтбордта йөрүчеләрне күзәттек. «Шахмат клубы» мәйданчыгына да сугылырга онытмадык – читтән генә уйнаучыларга бәя биреп, шактый гына басып тордык. Бераздан барыбызның да үтереп чәй эчәсе килә башлады. Чәй эчәсе килгән кешегә, Ходайга шөкер, паркта бөтен шартлар да булдырылган! Берсеннән-берсе тәмле пирожныйлар белән чәйләнергә теләгәнебезне тоеп торгандай, паркның гүзәл почмагында урнашкан кафе безне кочагын җәеп каршы алды. Анда да вакытны бушка уздырмадык – тәрәзәдән ир-егетләрнең чирәмлектә туп типкәннәрен рәхәтләнеп күзәттек. Бераздан хезмәттәшебез Айсылу: «Бәй, ярты көн үтеп тә киткән бит, кайтышыйк, кичкелеккә ашарга да әзерлисе бар ич», – дип, барыбызны да урыныбыздан кузгатты. Тамак тук, өс бөтен дигәндәй, каршы килүче булмады.

Йә, киңәш итеп ни әйтер идегез, ничек бу паркта ябыгырга була?

фото: https://pixabay.com

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com