Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битЯшәешКүңелеңә җыйма → Укучы хаты

Укучы хаты

28 февраля 2018
1125 карау
Язаргамы-юкмы - озак уйладым. Ниһаять бар көчемне җыйдым. Редакция исемемне күрсәтмәсен, шундый шарт белән генә инде.
 
Киңәш сорарга андый якын кешем дә юк - әнием борчылыр, апам аңламас, дус кызым да минем гамәлемне хуплар дигән өмет юк.
 
Эш нәрсәдә. Мин кияүдә. Ирем яхшы. Икебезгә дә 35 яшь. Бер елга якын мин бер хезмәттәшем белән (озын буйлы, сары чәчле, юмор хисе яхшы, акчалы) очрашып йөрим. Эштәгеләр сизми дә. Өстәлләребез янәшә торган бер кыз гына нидер аңлый бугай - берничә мәртәбә шалтыраган телефонга күзен ташлаган иде. Анда "Ирем" дип язылмаган иде. Аннары "Тавышыңны шуның кадәр балландырып кем белән сөйләштең? Ирең түгел иде бит!" - дип көлде. Ярар, анысы вак нәрсә. Мин бу хезмәттәшемне бик яратам. Ул минем өчен язгы һава сулышы кебек. Аның белән мин яшәрәм, очып йөрим.
Дөрес аңлагыз, хезмәттәшем белән без сөяркәләр түгел! 
 
Әмма әллә конспирациям начарланды шунда, ирем сизенә башлады. Сораулар биргәли, эштән каршы ала, чәчәкләр бүләк итә, ресторанга алып баргалый башлады. Мин иремә яңадан гашыйк булдым! Хезмәттәшемне дә яратам! Хезмәттәшемә дә булган мәхәббәтемдә иремне "коендырам". Ирем "Безнең бал аенда да шушындый дәртле түгел идең син!" дип әйтеп тә куйды бер көнне. Ирем гыйшкым турында белсә - китәчәк инде миннән.
 
 Хезмәттәшемнең белән араларны да өзә алмыйм. Кыскасы, ике урындыкта утырам. Берсен дә җибәрәсем килми. Икесе дә кирәк! Бу ситуация дә нервларны кытыклый, дәрт өсти - хезмәттәшем иремә булган мәхәббәтемне-дәртемне кабартып тора һәм киресенчә! 
 
Уеннан уймак чыкмасын өчен нишләргә? Гөнаһ та кылмыйм бит. Ә кылсам?.. Кыйнамагыз! 
 
С.

фото: https://pixabay.com

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com