Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битЯшәешКүңелеңә җыйма → Ностальгия

Ностальгия

Эльмира ЗАКИРОВА
Эльмира ЗАКИРОВА
08 января 2018
479 карау
Яңа ел көннәрендә телевизордан Гайдай, Эльдар Рязанов фильмнарын (инде ничәнче тапкыр микән?!) карап рәхәтләндек. «Кавказская пленница», «Бриллиантовая рука», «Операция «Ы» и другие приключения Шурика», «Ирония судьбы, или с лёгким паром!», «Служебный роман»нар… Сагындырган еллар, сагындырган геройлар… Күңелне ниндидер ностальгия биләп алды. 

ТНВ каналыннан үзем яратып карый торган «Җырлыйк әле» тапшыруы да шул дулкынга күчерде җитмәсә! Бу тапшыру миңа шунысы белән ошый: инде ничә еллар буена популярлыгын югалтмаган, халкыбыз һаман яратып җырлый торган җырлар яңгырый анда! Проектның авторы Нәҗип Бәдретдингә, алып баручылар Алинә һәм Азат Кәримовларга афәрин диясе генә кала!

«Җырлыйк әле»нең Яңа ел алды чыгарылышы күпләр күңеленә хуш килгәндер. Уенда катнашучылар да кемнәр диген! Илүсә Хуҗина, Филүс Каһиров, Эльмира Кәлимуллина! Тапкыр җаваплары, үзләрен килешле итеп тотулары, үзара шаярып-көлеп аралашулары бигрәк матур, килешле иде. Һәркайсы әзерләп килгән җырлар да тамашачыга бик якын, сагындырган. Челтерәп аккан тавышы белән Илүсә «Җидегән чишмә»не (Гомәр Бәширов сүзләре, Сара Садыйкова көе) җырлады. Халыкка Зөһрә Сәхәбиева башкаруында барып ирешкән җыр әнә шулай яңача яңгырады. Заманында Илһам Шакиров репертуарында яңгыраган «Җиз кыңгырау моңнары»н (Әнгам Атнабаев сүзләре, Вәсил Хәбисламов көе) Филүс башкарды. Эльмира «Кил, иркәм, гармунда уйнарга» (Әхмәт Ерикәй сүзләре, Әгъзам Фәттах көе) җырын сайлаган. Кайчандыр аны Венера Шәрипова җырлый иде…

Искиткеч тапшыру булды ул. Сагындырган җырлар, еракта калган матур хатирәләр, якты моң булып, күңел кылларын тибрәтте…

фото: https://pixabay.com
 

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Матбугат чаралары белән элемтәләр урнаштыру булеге белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com