Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битЯшәешКүңелеңә җыйма → Сайлау мөмкинлегем булса, әниемне сайлар идем

Сайлау мөмкинлегем булса, әниемне сайлар идем

Фәнис Җиһанша
Фәнис Җиһанша
15 ноября 2017
1614 карау

Әйе, әти-әниләрне сайлап алып булмый. Ләкин андый мөмкинлек булса, мин, һичшиксез, аларны сайлар идем. Балачак, мәктәп елларын, студент вакытларымны, әлбәттә инде, хәзерге чорымны кабат-кабат алар белән узарга әзермен.

Әнием Фирая Ибраһим кызы гаиләдә биш кызның иң өлкәне булып, Икенче Бөтендөнья сугышы тәмамланыр алдыннан дөньяга килә. Сугыштан соңгы авыр елларда алар, әби белән бергә җиң сызганып, тормыш йөген тарталар. Әби – бригадир, көн-төн колхоз кырында булса, өйдәге бөтен эшләр 6-7 яшендәге әни җилкәсендә була. Шул еллардан калган кайгыртучанлык, җиренә җиткезеп эшләү, кешеләргә хөрмәт, белемгә омтылу сыйфатлары, елдан-ел артып, бүгенге көнгәчә баеп килеп җитте. Аның укытучы хезмәтен дә сайлавы әнә шуның ачык мисалы.
 

Мин исә театр белән гастрольләргә чыкканда яки Татарстан мәктәпләренә очрашуларга барганда кайчандыр әни укыткан тамашачыларым белән гел очрашып торам. Алар әнине һаман да җылы ихтирам, зур ярату белән искә алалар.

Кемнеңдер класс җитәкчесе булган, кемнедер кичке мәктәптә укыткан, ә кемнәрдер белән хоккей карарга яки төркемнәре белән Камал театрына спектакльләр карарга йөргәннәр. Аларның сәламнәрен әнигә алып кайтып җиткерү минем өчен дә зур куаныч. Үзе дә, миңа шалтыраткан саен, эшем белән, үзем белән горурлануын әйтергә онытмый.
 

Бу язмам аша да мин үземнең әнием белән горурлануымны җиткерәсем килә. «Әни, син минем куанычым, син минем яклаучым. Син мине бүгенге көндә догаларың белән каршы алучым, фатихаң белән озатучым».

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com