Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битЯшәешТормыш кыйммәтләре → Илфакка бөтен сер дә сыя иде — Марат Кәбиров

Илфакка бөтен сер дә сыя иде — Марат Кәбиров

05 июня 2017
639 карау
“Илфакка бөтен сер дә сыя иде. Аңа сөйләгән әйбер читкә чыкмаячагына һәрчак ышанырга мөмкин булды”, - ди продюсер, журналист Илфак Шиһапов хакында каләмдәше Марат Кәбиров.

Язучы, журналист “Татар-информ” мәгълүмат агентлыгына билгеләп үткәнчә, Илфак Шиһапов бик ярдәмчел кеше булган. Ул Марат Кәбировка да зур ярдәм күрсәткән.

“Мин Казанга күчеп килгәндә, бер кешене белми идем диярлек. Шул чагында миңа Илфак ярдәмгә килде. “Снимать” итәргә арзанга гына фатир табарга булышты. Мин башкалага күчкәндә, Илфак “Оскар” студиясендә эшли иде. Ә минем эш аз акчалы. Берсендә ул миннән туйлар алып бара беләсеңме, дип сорады. Мин беләм дигәч, әйдә минем белән, дип, үзе белән ияртте. Белмәсәк тә, бергә тамада булып йөргән идек. Үзенең кулыннан килгәнчә, ул мине эш белән тәэмин итәргә тырышты. Югыйсә, мин аңа кем инде? Аңа кадәр аралашып торган да булмады”, - ди Марат Кәбиров.
Икесе дә “Шәһри Казан” газетасында эшләгәнлектән, алар һәрвакыт аралашып торган.
“Күбрәк Илфакка мин шалтырата идем. Берәр язмаң юкмы, шуны эшләп булмыймы, дип шалтыратсам, борчылма, эшлибез, дия иде. Илфак сүзендә тора торган кеше булды”, - ди Марат Кәбиров.
Аның фикеренчә, Илфак Шиһаповны бер кеше белән дә чагыштырып карау мөмкин түгел.

“Һәр кешенең үз язмышы, үз тормышы. Кемнедер саклап калып була, дигән әйбергә мин бөтенләй ышынып бетмим. Кырыенда саклап утырсаң да, кешене саклап калу мөмкин түгелдер. Язмыштан узып булмый”, - дип саный Марат әфәнде.
Билгеле булганча, танылган продюсер, журналист, язучы Илфак Шиһапов 30 май көнне арабыздан китте. Аңа 49 яшь иде.
 
 чыганак: http://tatar-inform.tatar

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com
Orgy