Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битЯңалыклар → ​Автобусларга биреләчәк лицензия билет бәясен арттырамы?

​Автобусларга биреләчәк лицензия билет бәясен арттырамы?

Чулпан Галиәхмәтова
Чулпан Галиәхмәтова
19 апреля 2019
760 карау

Агымдагы  елның  беренче мартыннан даими рәвештә пассажирлар ташыган автобусларны лицензияләү буенча  федераль канун  гамәлгә керде.  «Лицензияне 29 июльгә кадәр алырга кирәк», – дип белдерде бу уңайдан узган матбугат  очрашуында Татарстан буенча Госавтодорнадзор идарәсенең баш дәүләт инспекторы  Борис Смирнов.  

Республикада 149 маршрут бар. 42 пассажир ташучы оешма эшли.  Ә аларның ипиен легаль булмаган пассажирларны ташучылар ала.   Муниципальара маршрутларда пассажирларның яртысын нәкъ менә алар ташый. «Аларның эшчәнлегенә контроль юк, транспорт йөртүчеләре бер ялсыз эшли, ә бу юл фаҗигаләренә китереп чыгара», – дип белдерде   Борис Смирнов. Канун буенча алыначак лицензия исә бөтен автобусларны бер дәрәҗәгә куячак. Әлеге документны алу өчен  куркынычсызлык буенча  җаваплы кеше билгеләнгән приказ һәм юлга чыгар алдыннан машина йөртүчене тикшерүче медицина оешмасы белән  килешенү кирәк. Болар барысы да куркынычсызлыкны булдыру өчен эшләнә.  Лицензиянең бәясе – 7030 сум. Дөрес, баш дәүләт инспекторының тел төбеннән аңлашылганча, аны барлык пассажир ташучылар ала алмаячак. Тагын шунысы бар:  бер автобуска документны берничә  эшмәкәр ала алмый.  

Бу яңалык мәктәп автобусларына да кагыла. Дөрес, аларның 75% ы  профессиональ пассажир ташучылар белән эшли. Киләчәктә оешма саен автобуслар тоту бетәр, мөгаен. Борис Смирнов, спорт, мәдәният оешмалары да махсус оешмалардан автобуслар алып йөрергә тиеш дигән фикер әйтте.  Лицензия алу  күрсәтелгән хезмәт бәясенә тәэсир итәрме юкмы, матбугат очрашуына килгән белгечләр әйтә алмады. Димәк, сорау ачык кала.  

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com