Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битЯңалыклар → ​Чит илдә яшәүчеләр Татарстан музейларында «йөри»...онлайнда

​Чит илдә яшәүчеләр Татарстан музейларында «йөри»...онлайнда

Чулпан ГАЛИӘХМӘТОВА
Чулпан ГАЛИӘХМӘТОВА
15 апреля 2019
124 карау


 

Чит илдә яшәүче татар  кешеләре  телләрен саклап калу өчен нинди генә проектлар ясамыйлар. Шуның чираттагысын «Анталия татарлары» җәмгыяте җитәкчесе Оксана Назарова гамәлгә ашыра. Ул шимбә мәктәбендә укучы балаларны онлайн рәвештә  Татарстан музей, концертларына «йөртә». Аның әлеге дәресләренә  башка илләрдәге милләттәшләр дә кушыла башлаган. Бүген «Татар-информ» агентлыгында узган матбугат очрашуында «Туган тел» проекты хакында сөйләштеләр. 

 «Анталия татарлары» җәмгыяте – аермача яшь  берләшмә. Шуңа да карамастан, татар балаларына туган телне өйрәтүче шимбә мәктәпләре оештырылган. Телне өйрәнү, милләткә карата мәхәббәт уяту өчен татар теле дәресләре генә җитми дип  саный  оешма җитәкчесе  Оксана Назарова. Шуңа күрә Татарстан милли музее директоры Гөлчәчәк Нәҗипова ярдәме белән  балаларны Казан музейлары белән таныштыру мөмкинлеге тудырган. Онлайн экскурсия вакытында экскурсовод балалар татар телендә аралаша.  Балаларга иҗади өй эшләре дә бирәләр икән. Шул рәвешле, алты музейга сәяхәт кылганнар.  «Балаларга бик кызык», – ди Оксана Назарова. Әлеге проектны  коры энтузиазмда башлап җибәргәннәр. Аның өчен бернинди финанс бүлеп бирелмәгән. Гап-гади смартфон, скайп аша башкарыла ул. Проект бер ел гамәлгә ашырылу барышында 10-15 видеоконференция үткәрелгән. Анталия татарларына Казакъстан, Италия, Кыргызстаннан да милләттәшләр кушылырга теләк белдергән. Музейларда Wi-Fi булмавы гына кыенлыклар тудыра икән. «Сыйфатлы  интернет та булса, яхшы булыр иде», – дип белдерде  теләген проектта катнашучы  Айдар Әгъләмов.  

 Чит ил татарларына Г. Камал исемендәге Татар дәүләт академия театры да барып җитәргә тырыша. Алар кайбер спектакльләрне онлайн режимда  интернет челтәре аша күрсәтәләр. Директоры Илфир Якупов моның бушлай эшләнгәнлеген әйтте.  Чит ил татарларында трансляцияне карарга ихтыяҗ бар. Спектакльләрне Ирландия, АКШ, Чехия илләреннән кереп карыйлар икән.  

 Оксана Назарова  Татарстанда татар телен популярлаштыру буенча фонд төзелсә,  эшләргә җиңелрәк булыр иде дип уйлый.  Аның сүзләренә караганда, Анталия төбәкләрендә 2 мең татар яши.  Ул республика җитәкчелегеннән Төркиядә татар мәктәбе ачарга ярдәм дә сорады.  

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com