Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битЯңалыклар → Татарстанда бүгенгә 900 мең тонна ашлык суктырылган

Татарстанда бүгенгә 900 мең тонна ашлык суктырылган

04 августа 2018
1667 карау
Татарстанда 4 август көненә 930 мең тонна ашлык суктырылган, бүген кичкә бу сан 1 миллионга кадәр артачак. Бу турыда Татарстан Республикасы Президенты вазифасын башкаручы Алексей Песошин уздырган традицион республика киңәшмәсендә вице-премьер – ТР Авыл хуҗалыгы һәм азык-төлек министры Марат Әхмәтов әйтте. Бу хакта республика башлыгының матбугат хезмәте хәбәр итә.

Бөртекле культуралар 314 гектар җирдән суктырып алынган. Бу - кулланылышта булган барлык мәйданның 21 процентын тәшкил итә. Бер гектарга уртача уңыш күләме 29,6 центнер, дип белдерде министр.
Министр Зәй районында урып-сугу кампаниясенең актив темпта баруын билгеләп үтте. Анда 37 процент мәйданда ашлык суктырылган һәм 58 мең тонна бөртек җыелган.
Уңышның иң югары күрсәткече шулай ук әлеге районда - 41,8 ц/га. Лидерлар арасында Сарман (38,2 ц/га һәм 56,7 мең тонна бөртек), Норлат (36,2 ц/га һәм 40,7 мең тонна) һәм Чистай (28,4 ц/га һәм 45,0 мең тонна) районнары.
Шулай ук республиканың төньягында һәм көньягында климатик шартларның аерылуына да игътибары юнәлтте. Аның сүзләренә Арча, Биектау, Саба һәм Теләче районнары өч көн эчендә барлык мәйданарның нибары 5 процентында ашлык суктырган. “Алар өчен, әлбәттә, мөмкин булган чик бер тәүлек өчен биш проценттан да азрак булмаска тиеш”, - диде Марат Әхмәтов.
  • Татарстанда 3 август көненә уҗым культуралары 55 процент мәйданда суктырылган иде.
чыганак: https://tatar-inform.tatar/news/2018/08/04/169097/

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com