Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битЯңалыклар → Алар яңа культура алып килә

Алар яңа культура алып килә

Лилия Гәрәева
Лилия Гәрәева
26 июня 2018
1828 карау
Бүген Казанда Чемпионат уңаеннан узучы Җанатарлар фестиваленең 13 нче көне – экватор. «13 көн буе Казан позитив дулкында яшәде. Башка илләрдән килүче җанатарлар безгә яңача аралашу, яңача җан ату культурасы күрсәтте. Без алардан нәрсәгәдер өйрәндек, үзебез дә өйрәткәнбездер», – дип белдерде  Татарстан Республикасының Премьер-министр урынбасары Ләйлә Фазлыева матбугат үзәгендә узган очрашуда. 

Чемпионатның сулышын тояр өчен «Казан» гаилә үзәге мәйданында ачылган Җанатарлар фестиваленә килергә кирәк икән. Мондагы халык белән аралашып, аларның уңай энергетикасын йоктырасың. Премьер-министр урынбасары сүзләренчә, әлеге мәйданда берьюлы 15 меңнән артык кеше җыела. Катнашучылар саны 56 мең булган көннәр дә бар икән (монысы көне буена). Билгеле, никадәр генә зур һәм уңайлы булмасын, әлеге мәйдан да барлык теләүчеләрне сыйдырып бетерә алмый. Матчлар узган көннәрдә фанзонага эләгә алмаучыларга уеннарны зур экраннардан, халык белән бергә  тамаша кылу өчен Кремль астындагы Казансу яр буен, спорт-барларны, кафеларны тәкъдим итәргә мөмкинлеген дә әйтеп китте Ләйлә ханым.  

«Без күпсанлы халык, зур төркемнәр белән эшләргә өйрәнеп беттек. Шәһәр инфраструктурасы Конфедерацияләр Кубогына ук әзер иде инде. Бу юлы безгә мирас булып яңа технологияләр кала», – диде ул. 

Фестиваль уза торган мәйданга түшәлгән йомычка хакында да сүз булды. «Бу эсседә шуннан да кулайрак түшәмәне табарга мөмкин дә булмас иде. Бу – үз казанышыбыз һәм ул бик уңайлы булып чыкты. Эсседә асфальттан бөркелгән кебек эссе дә бәреп тормый, яңгыр явып китсә дә зыян юк, табигатькә дә зыян китерми», – диде Фазлыева. 

Журналистларны тагын бер сорау борчыды: «Ә Чемпионаттан соң нәрсә? Казанда тагын берәр чара узачакмы?» «Узачак, – дип белдерде премьер-министр урынбасары. – Киләсе елга Казан эшче һөнәрләр чемпионатын – «Worldskills2019»ны кабул итәргә әзерләнә. Бу да үзенчәлекле, көчле энергетикалы, кызыклы чара. Монда үз эшенең осталары җыела. Алардан күп нәрсәгә өйрәнеп калып була», – диде Ләйлә Фазлыева, очрашуны йомгаклап.   

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com