Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битЯңалыклар → Когалымда Төбәкара Сабан туе

Когалымда Төбәкара Сабан туе

Гөлчәчәк Фәтхулова, ХМАО-Югра
Гөлчәчәк Фәтхулова, ХМАО-Югра
18 июня 2018
639 карау
16 июнь, ХМАО-Югра төбәгендә чираттагы III Төбәкара Сабан туе гөрләп үтте. Әлеге бәйрәмне оештыручы Когалым шәһәрендә эшләп килүче «НУР» татар-башкорт иҗтимагый оешмасы шәһәр хакимияте белән берлектә оештырды. Бәйрәмне котларга Когалым шәһәре хакимияте җитәкчеләре, башка күп төр структура җитәкчеләре, Татарстан башкаласы Казаннан Яңа Гасыр телерадиокомпаниясе яңалыклар чыгарылышын даими алып баручысы, журналист Гөлназ Гиниятова, «Болгар» радиосы алып баручысы Гөлназ Фәйзрахманова, Башкорстан республикасы артистлары Фәдис Ганиев, Лилия Биктимирова, Гөлназ Асаева һ.башка бик күп кунаклар килгән иде. Бәйрәм тантанасы Татарстан Президенты Р.Н.Миннеханов котлавы белән башланып китте. Әлеге котлауны халыкка Гөлназ Гиниятова җиткерде: 

- «Хөрмәтле милләттәшләр! ХМАО-Югра төбәгендә яшәүче татарлар тормышы белән даими танышып торсак та, әлеге Казаннан 2500 чакрым Когалым каласына беренче тапкыр аяк басуыбыз. Без, Сезгә карап сокланабыз, мондагы халыкның бердәмлеге, ана теле - татар теле һәм халкыбызның гореф - гадәтләрен саклап калуда башкарган олугъ хезмәтләрегез чиксез зур рәхмәт әйтәбез. Киләчәктә дә без Сезгә зур уңышлар телибез». Татарстан Республикасы Президент котлау хатын, бүләкләрен тапшырды. Биредә бер-бер артлы котлаулар сәгатьтән артык дәвам итте. Гүзәл табигать кочагында оештырылган халкыбызның милли бәйрәмендә гасырлар буе сакланып килгән уеннарда катнашучы халыкның саны иксез - чиксез иде. Җылы сүзләргә бай күңелле, бәйрәм кичәсен бик матур итеп алып баручы Татарстанның «Болгар» радиосы алып баручысы Гөлназ Фәйзрахманова концерт программасын бик матур итеп алып барды. Әлеге бәйрәмгә Сургут шәһәреннән «Сандугач» җыр-бию ансамбле, Покачи шәһәреннән «Туган як» ансамбле йолдызлары, тагын бик күп тирә-як шәһәрләрдән үзешчән коллективлар килгән иде. Шулай ук, тагын бер иң күңелле мизгелләрнең берсе автор-башкаручы, татар- башкорт халкының яраткан җырлаучысы Илнур Мусинга Татарстан Республикасы Мәдәният Министрлыгы тарафыннан «Мәдәният өлкәсендәге зур казанышлары өчен» күкрәк билгесе тапшырылды. Аны шушы уңышлары өчен ихластан котлыйбыз. Ә менә бәйрәмдә Көрәш батыры булып Илдар Садыйков тәкәне иңсәсенә салды. Бәйрәм күңелләрдә онытылмаслык мизгелләр калдырды.  

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Матбугат чаралары белән элемтәләр урнаштыру булеге белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com