Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битЯңалыклар → ​Футбол буенча дөнья чемпионаты-2018 илчесе Ирек Зиннуров: «Футбол турында һәркем белә!»

​Футбол буенча дөнья чемпионаты-2018 илчесе Ирек Зиннуров: «Футбол турында һәркем белә!»

Ландыш Әбударова
Ландыш Әбударова
15 мая 2018
140 карау
Моңа кадәр Универсиада-2013, Спортның су төрләре буенча дөнья чемпионатында илче булган, Дәүләт Думасының җиденче чакырылыш депутаты, Россиянең атказанган спорт мастеры, ике тапкыр Олимпия уеннары призеры, дөнья һәм Европа чемпионаты призеры, ватерполист Ирек Зиннуров Футбол буенча дөнья чемпионатында илче булу миссиясе тагын да катлаулырак, дип белдерде. 

– Футбол турында ниндидер яңалык әйтү көннән-көн кыенлаша, чөнки футбол белән кызыксынучылар арта, алар һәр яңалыкны белеп тора. Илчелек миссиясе белән балалар алдында, предприятиеләрдә чыгыш ясаганда, су полосы белән чагыштыру еш кына ярдәм итә, – ди Ирек Хәйдәр улы.

Ирек Зиннуров андый вакытта бер сорау бирә икән:
– Тупны кул белән капкага кертеп буламы?

Бигрәк тә балалар бу сорауга җавапны тиз таба: Марадона кертте бит әле! Футбол тарихына иң бәхәсле гол булып кереп калган әлеге тупны 1986 елда  дөнья чемпионатында Аргентина уенчысы Диего Марадона чирек финалда Англия капкасына кертә. Соңыннан бу турыда гол авторы «Марадонаның башы һәм Аллаһның кулы белән кертелгән гол» дип игълан итә. Инглиз матбугаты аны «шайтан кулы» дип бәяли. Шушындый ук бәхәсле момент 1990 елда СССРның җыелма командасы белән дә кабатлана. Марадонаның «кулы уйнаганын» ул вакытта да хөкемдарлар кагыйдәләрне бозу дип кабул итми. 

Ирек Зиннуров шулай ук мөмкин кадәр матчларны тамаша кылачагын да әйтте. Тик әлегә илченең «Җанатар паспорты» юк икән әле. 

– Хатыныма бирделәр, миңа һаман да юк. Чемпионатка кадәр булыр, дип өмтеләнәм, – дип шаяртты ул саубуллашканда. 

Фото: https://m.realnoevremya.ru/

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Матбугат чаралары белән элемтәләр урнаштыру булеге белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com