Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битЯңалыклар → Быелгы зур ифтарда яңалык бар

Быелгы зур ифтарда яңалык бар

​Лилия Гәрәева
​Лилия Гәрәева
14 мая 2018
1489 карау
Рамазан ае иртәгә кояш баеганнан соң керә. 16 май – Рамазанның беренче көне.

Иртәнге 1 тулып 30 минутта сәхәрне тамам итеп, кичке 8 туларга 10 минут кала гына авыз ачачакбыз. Сәхәр вакыты көн саен икешәр минутка артка чигеп, авыз ачу вакыты икешәр минутка алга күчә бара.

Татарстан Диния нәзарәте быелга фитр һәм зәкят күләмен түбәндәгечә билгеләгән: фитр сәдакасы бер кешегә 100 сумнан 600 сумга кадәр. Мөмкинлеге булган кешегә чиге юк, күбрәк тә бирсә савап. Авыруы яки картлыгы сәбәпле (теләге булмыйча гына түгел!) ураза тота алмаган кешегә бер көнлек фидия хакы 200 сум. Фитр, фидия хаклары хөрмә, йөзем, бодай һәм арпа бәясеннән чыгып билгеләнә.

Ел дәвамында 210 мең сум акчасы булып, шул акча тотылмый ятса, ул акчадан зәкят түләнергә тиеш. Авыру, ятимнәрнең аның кадәр акчалары булса, аларның вәкилләре шул акчадан зәкят бирергә тиеш.

Ураза гаете 15 июньгә туры килә. Татарстанда рамазан аенда республика күләмендә зур итеп ифтар уздыру гадәткә керде. Быел ул алтынчы ел уздырыла.  Быелгысына  оештыручылар яңалык керткән: ифтар ирләр өчен аерым, хатын-кызлар өчен аерым узачак. 26 майда – ирләрнеке, 27 майда – хатын-кызларныкы. Быел ул Казанның Теннис академиясендә узачак. Барлыгы 10 меңнән артык кеше катнашыр дип көтелә. Ифтарга чакыру билетларын республика мәчетләре аша тараталар. Авыз ачу мәҗлесенә  мохтаҗлар, ятимнәр, гарипләр, күп балалы гаиләләр һәм төрле дәрәҗәдәге җитәкчеләр чакырулы. Һәр ике көндә дә кунакларга 300 ләп волонтер хезмәт күрсәтәчәк. Алар ифтар уздыру урыннарына иртән үк килеп, табыннар корачаклар. Араларныд ураза тотмаучылар булса, аларны кайнар ризык, чәй белән тәэмин итәчәкләр. Әлегә волонтерларны туплау бара, белешмәләрне Татарстан Диния нәзарәте сайтында һәм «Вконтакте»дагы сәхифәләреннән табарга була.

Мөфти Камил Сәмигуллинның барлык серләрне алдан ук чишәсе килмәсә дә, кунакларны пылау белән сыйлаячакларын белдек. Аны Туклану департаменты әзерлисе. Хатын-кызлар ифтарында авыз ачканчы мөселман модасы күрсәтеләчәк икән.
Шулай ук Камил хәзрәт халыкка мөрәҗәгать итеп, ураза, зәкят белән бәйле сорауларга dini.sorau@tatar.ru сайты аша җавап бирәчәген әйтте.

Рамазан аеның максаты ач тору түгел, ә җанны, уйларны, күңелне чистарту. Бу айда Коръән аятьләре күбрәк укыла, тәравих намазлары уза. Татарстанның 47 мәчетендә (аның 20 се Казанда) тулы Коръән чыгачаклар. Моның өчен Төркиядән 47 Коръән хафиз киләчәк. Кайбер мәчетләрдә төнлә кешеләрне өйләренә тарату өчен автобуслар да булыр, диделәр. Рамазан аенда «Такси-Рамазан» дип аталган такси хезмәте дә күрсәтеләчәк.

фото: https://pixabay.com

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Матбугат чаралары белән элемтәләр урнаштыру булеге белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com