Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битЯңалыклар → Очрашу урыны – Бауман!

Очрашу урыны – Бауман!

​Лилия Гәрәева
​Лилия Гәрәева
25 апреля 2018
2395 карау
Быел «Мин татарча сөйләшәм» чарасы 13 нче тапкыр узачак. Очрашу урыны да, вакыты да үзгәрмәде – 26 апрель, Казан шәһәре, Бауман урамы, кичке дүрттә!
Яшьлек рухында, креатив дулкында, туган тел мохитендә кайнарга телисез икән – килегез. Көн дә сәхнәдән күреп күз ияләнмәгән яңа чыгышлар, яңа юнәлешләр белән дә танышу мөмкинлеге булачак.
 
Ә шулай да, нәрсә соң ул  МТС – «Мин татарча сөйләшәм»? Юк, элемтә операторы белән бутамаска! Ул – актив гражданлык позициясе, яңа форматларны сынау, яшьләрне иҗтимагый эшкә тарту, күңел ачу, шәһәр берләшмәләре.  

«Мин татарча сөйләшәм» – тулысы белән яшьләр җилкәсендә – Бөтендөнья татар яшьләре форумы оештырган чара. Яшьләр булгач, эш ысуллары да яшьләрчә.
Автойөреш;
Интернет татарча сөйләшә;
Флэшмоб;
Велохәрәкәт;
Фатирник;
Китап алышу;
Татарча хатасыз;
Архитекторлар бәйгесе;
Социаль эксперимент;
Шәһәрчеләр кичәсе – менә болар «Мин татарча сөйләшәм» чарасы кысаларында оештырылган яңа форматлар. Кайсылары бик уңышлы, кайсылары килеп чыкмаган...


«Татар-Дозор» квест уены хакында ишеткәнегез булды микән? Аны да шушы яшьләр оештыра. Мәктәп укукчылар, студентлар арасында, ачык һавада уза ул.  Казанның иң зур квест уенында җиңәсен килә икән – татар тарихын өйрән.  Киләчәктә укучылар һәм студентлар белән генә түгел, теләгән һәркем белән дә уйнарга уйлыйлар.

Тәнкыйть тә кирәкле шәйдер. Татар яшьләренең күз уңыннан республикабызның рәсми оешмаларында татар теленең торышы да читтә калмый. Кайсы министрлык яки дәүләт оешмасының сайты фәкать бер генә дәүләт телендә алып барыла, кайсыларында татар телендәге мәгълүмат бармы-бар принцибында гына – боларга антипремия! Татар телен санга сукмаган өчен.

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com