Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битЯңалыклар → “Алтын битлек” – Нурбәктә!

“Алтын битлек” – Нурбәктә!

Ландыш Әбүдарова
Ландыш Әбүдарова
16 апреля 2018
3097 карау
Узган якшәмбе кичендә Мәскәүнең Большой театр залында 24 нче “Алтын битлек” милли театр премиясен тапшыру тантанасы үтте. Фестиваль Мәскәүдә февралҗ, март, апрель айларында барды.
Нурбәк Батулла заманча балет номинациясендә “Алтын битлек” милли театр премиясенә ия булды. Ул әлеге премиягә “Әлиф” хореографик спектаклендәге биюе өчен тәкъдим ителгән иде. Шулай бу спектакль өч номинациядә тәкъдим ителде: “Иң яхшы заманча бию/спектакль”, “Иң яхшы балетмейстер” (Марсель Нуриев) һәм “Иң яхшы биюче” (Нурбәк Батулла).
 
“Әлиф” спектаклен узган көздә “Иҗади мохит” коммерциячел булмаган оешмасы гамәлгә куйган иде. Идея авторы һәм режиссеы – Казан яшь тамашачылар театрының баш режиссеры Туфан Имаметдинов. Балетмейстры – Марсель Нуриев. Композиторы – Эльмир Низамов. Нурбәк Батулла татар халкының 1927 нче елга кадәрге гарәп әлифбасын сәхнәдә бию телендә күрсәтә. Бию хәрәкәтләре белән сәхнәгә сибелгән комга гарәп хәрефләре төшеп бара. Авазларны өч кыз яңгыратып бара. Шулай ук, “Әлиф”нең дәүләт ярдәменнән башка гамәлгә куелуын, спектакльнең тулаем яшьләр инициативасы булуын да әйтергә кирәк.
 
Нурбәк Рабит улы премияне алганда, тамашачыларга татарча эндәште, жюрига рәхмәтен татар телендә җиткерде.
 
“Әлиф”тән тыш, быел “Алтын битлек”кә Татарстанның Әлмәт театрында куелган “Кибет” спектакле дүрт номинациядә дәгъва иткән иде. Шулай ук Камал театрының баш режиссеры Фәрит Бикчәнтәев М. Гафури исемендәге Башкорт дәүләт академия театрында куйган “Антигона” спектакле өчен “Иң яхшы режиссер” номинациясендә җиңү көткән иде.
 
Тантанада, гомумән алганда, иҗат итүдә ирекле булуның никадәр мөһим икәненә дә басым ясалды. “Алтын битлек”нең директоры Мария Ревякина тантананы ачып җибәргәндә үк бүгенге көндә кыен хәлдә калган Кирилл Серебреников, Софья Апфельбаум, Алексей Малобродский, Юрий Итинга ирекле иҗта итү мөмкинлеге ачылсын иде, дигән теләкләрен җиткерде.
 
Исегезгә төшерәбез, моңа кадәр Татарстанга “Алтын битлек”не Татарстан Президенты Минтимер Шәймиев “Театр сәнгатенә ярдәм иткәне өчен”, Камал театрының элекке баш режиссеры, хәзерге вакытта мәрхүм Марсель Сәлимҗанов “Намуслы хезмәт иткән өчен” һәм Казан Яшьләр театры “Буря” спектакле өчен алган иде.

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com