Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битЯңалыклар → Минтимер Шәймиев: Без сайлауда актив катнашып, илнең бердәмлеген күрсәтергә тиеш

Минтимер Шәймиев: Без сайлауда актив катнашып, илнең бердәмлеген күрсәтергә тиеш

Надежда Гордеева
Надежда Гордеева
18 марта 2018, 12:56
2401 карау

Бүген Татарстан Дәүләт киңәшчесе Минтимер Шәймиев хәләл җефете Сәкинә ханым белән Казанның КИТТУ-КХТИ бинасында ачылган 55нче сайлау участогында тавыш бирде. Республиканың беренче Президенты билгеләп үткәнчә, сайлауда актив катнашып, ил гражданнары үзләренең бердәмлеген күрсәтергә тиеш.

Тавыш биргәннән соң волонтерлар аларга җәмәгать транспортында бушлай йөрү хокукын бирә торган беләзекләр тапшырды.

Минтимер Шәймиев шулай ук вуз бинасында урнаштырылган махсус стенд фонында фотога төшеп, #айданавыборы акциясендә катнашты. Волонтерлар ачыклык керткәнчә, фотоны #айданавыборы хештэгы белән социаль челтәрләрдә урнаштырырга, үзең яшәгән шәһәр һәм сайлау участогы номерын күрсәтергә кирәк. Җиңүчеләргә айфон, велосипед һәм гидроскутерлар бүләк ителәчәк.

ТР Дәүләт киңәшчесе журналистлар белән аралашканда сайлауда катнашу һәркемнең гражданлык бурычы булуын билгеләп үтте. «Бу сайлаулар белән без үзебезнең бердәмлегебезне күрсәтергә тиеш. Безнең бердәм һәм көчле булуыбыз мөһим», – дип искәртте ул.

Минтимер Шәймиев фикеренчә, Россиядә сайлаулар тулаем алганда «башка илләргә үрнәк буларак, лаеклы төстә» узачак. «Татарстан һәрвакыт сайлауларда актив катнашуы белән аерылып торды. Бу – бердәмлекнең яхшы күрсәткече», – дип белдерде ул.

55нче участок сайлау комиссиясе рәисе Татьяна Гарифуллина әлеге участокта 2 мең 229 сайлаучы теркәлүен искәртте. КИТТУ-КХТИ мәйданчыгында шулай ук авыл хуҗалыгы продукциясе һәм азык-төлек товарлары ярминкәсе оештырылган. 

Участие Государственного Советника Республики Татарстан М.Ш. Шаймиева  в выборах Президента РФ

Участие Государственного Советника Республики Татарстан М.Ш. Шаймиева  в выборах Президента РФ

Участие Государственного Советника Республики Татарстан М.Ш. Шаймиева  в выборах Президента РФ

 


источник: http://www.tatar-inform.ru/news/2018/03/18/602804/
 

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com