Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битЯңалыклар → Җәмәгатьчелеккә җиткерү юллары

Җәмәгатьчелеккә җиткерү юллары

Мәдинә АВЗАЛОВА
Мәдинә АВЗАЛОВА
21 февраля 2018
1228 карау
21 февраль көнне Г. Ибраһимов исемендәге Тел, әдәбият һәм сәнгать институты тарафыннан 2017 елда әзерләнгән һәм нәшер ителгән фәнни-гамәли басмаларны тәкъдим итүгә багышланган чара булып узды. Әлеге чара Татарстан Республикасы Фәннәр академиясе, фәнни оешмалар, Татарстан Республикасы Дәүләт Советы, Татарстан Республикасы Министрлар Кабинеты, Татарстан Республикасы Мәгариф һәм фән министрлыгы, Татарстан Республикасы Мәдәният министрлыгы, башка учреждениеләр һәм матбугат вәкилләре катнашында узды. Күренекле фән эшлеклеләре каршында чыгыш ясаучыларның һәркайсы бирегә җыелу максатын узган елгы институт эшенә йомгак ясау, нәшер ителгән басмаларга карата фикер ишетү, ә иң мөһиме: болгавыр заманда телне саклап калу дип билгеләп үттеләр.
 
Институтның төп фәнни-тикшеренү юнәлешләре: хәзерге татар теле, татар теле тарихы, татар теле диалектологиясе, лексикография, татар әдәбияты, текстология, чыганакларны өйрәнү, халык иҗаты, татар халкының мәдәнияте һәм сәнгате, Россиядә һәм чит илләрдә яшәүче татарларның рухи мирасы. Институт тарафыннан былтыр түбәндәге юнәлешләр буенча 69 берәмлек фәнни-гамәли басма әзерләнде: тел гыйлеме – 16; әдәбият – 12; халык иҗаты – 5; сәнгать – 12; рухи мирас һәм чыганакчылык – 18; башка оешмалар һәм читтәге башка белгечләр белән берлектә эшләнгән хезмәтләр – 6.
 
Сүз телне саклап калу турында да барды. «Иҗтимагый тормыш-көнкүрештә, татар халкының башына төшә торган барлык бәла-каза, вакыйга-хәлләрнең дә язма әдәбиятта чагылыш табуы күренә, – диде бу эшлекле сөйләшүдә катнашкан филология фәннәре докторы, профессор Илидә Бәширова. – Дәүләт җимерелгәч, беренче чиратта, язма әдәбият яндырыла, мәчет-китапханәләр туздырыла, революциядән соң да шул ук хәл кабатлана: газета-журналлар ябыла, графика алмаштырыла. Бүгенге вазгыятьтә язма әдәбият мәктәптән куыла. Депутатлар, дәүләт эшлеклеләре барысы да мәктәптә кагыйдә-язуга өйрәтергә кирәкми, дәрес кызык булсын, дип сөйлиләр. Хәлбуки, безнең бабайлар, гыйлемле булу – энә белән җир казу ул, дип әйтеп калдырган булсалар да».


Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Матбугат чаралары белән элемтәләр урнаштыру булеге белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com