Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битЯңалыклар → Туган илгә кайта алмаучы милләттәшебезгә ярдәм кирәк

Туган илгә кайта алмаучы милләттәшебезгә ярдәм кирәк

​Лилия Гәрәева
​Лилия Гәрәева
07 февраля 2018
315 карау

Бер рәхмәт мең бәладән коткара, диләр. Яши-яши моның хаклыгына инанасың. Рәхмәт әйтерлек булгач, синең эшләгән эшең изге, саваплы гамәл, димәк.

12 февральдә, кичке ҖИДЕНЧЕ ЯРТЫДА, Тинчурин исемендәге театрда танылган җырлар авторы Ирек Габдрахмановка туган илгә кайтырга ярдәм итү максатыннан «Җырлы язмыш» дип аталган хәйрия концерты оештырыла.

Концертта катнашалар: Миләүшә Хуҗина, Римма Никитина, Нияз Мәгасумов, Алмаз Хәсәнов, Риназ Мостафин, Илнур һәм Алия Сәхбетдиновлар, Марат Яруллин, Раниф Вахитов, Илсөяр Зарипова, Марсилия, Фирүзә Сибгатуллина, Сара, Рәсим Низамов, Гүзәлия, Гөлназ Шакирова, Марат Фәйрушин, Гүзәл ханым, Нурия Ярмөхәммәтова, Резедә Бүләкова, Фәнил Вакказов, Гөлнара Габидуллина.

Концертны оештыручылар: Арча якташлар җәмгыяте, Кәрим Тинчурин театры, «Мең рәхмәт» хәйрия проекты.
 

Ирек Габдрахманов – йөзләгән җырлар авторы. Аның җырларын Айдар Галимов, Рәсим Низамов, Габделфәт Сафин, Ландыш, Гүзәлия, Филүс Каһиров кебек танылган артистлар башкара. Иҗат кичәсен оештыру аның күптәнге хыялы. «Җырлы язмыш» концерты 28 ноябрьдә узган «Мең рәхмәт» хәйрия фестиваленең дәвамы булып тора.

 

Ирек әфәнде тумыштан ук җитди чирдән интегә. Бүген аның гәүдә авырлыгы 300 килограмм! Германиягә дәваланырга өметләнеп барган булган. Тик хәзер туган иленә кайта алмый тилмерә, чөнки аны бер генә компания дә үз самолетына утыртырга риза түгел. Моның өчен махсус сертификат кирәк. Хәйрия концертыннан җыелган акча аны илгә кайтару һәм туган авылындагы йортын кеше яшәрлек хәлгә китерү өчен тотылачак.

Ирек Габдрахманов безнең ярдәмгә бик мохтаҗ. Туган ягының яшел болыннарын, зәңгәр күкләрен тагын кабат күрергә булышыйк без аңа.

 

 

 

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Матбугат чаралары белән элемтәләр урнаштыру булеге белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com