Ә син җәннәткә керү өчен нәрсәгә әзер? / Яңалыклар / Сөембикә
Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битЯңалыклар → Ә син җәннәткә керү өчен нәрсәгә әзер?

Ә син җәннәткә керү өчен нәрсәгә әзер?

Фәнзилә МОСТАФИНА
Фәнзилә МОСТАФИНА
27 января 2018
1780 карау
Җәннәткә эләгү өчен нинди бәһа түлисе? Анда эләгү өчен син нәрсәгә әзер?
Авыр сораулар... Болай кисәк сорагач, авыр да авыр инде, әле гомер буе уйланып йөреп тә, җавап таба алмаган кешеләр бар бит. 18нче февраль көнне Мәскәүдә менә шушы сорауларга җавап табарга тырышачаклар. Россия мөфтиләр Шурасы, Россия һәм Мәскәү Диния нәзарәтләре «Разговор с душой. За гранью» дип аталган театральләштерелгән музыкаль тамаша тәкъдим итә.

«Күңел белән сөйләшү» Татарстан һәм, аерым алганда, Казан халкы өчен бөтенләй үк яңа төшенчә түгел инде. 2016нчы елда шул башкалада шул исемдәге тамаша күрсәтелгән иде. Ә быел «чиккә килеп җителгән». Димәк, быелгы тамашада тагын да катлаулырак һәм җитдирәк мәсьәләләр күтәреләчәк.

...Ул эшмәкәр. Бернәрсә турында да уйламыйча, акчага коенып яши, көндәшләренең башына «басып» үтә торган эшмәкәр. Коры һавалы чүл, Якын Көнчыгыштагы сугыш кыры... Аллаһка якынаю, асылын аңлау өчен аңа ниләр кичерергә туры киләчәк, аны нинди киртәләр көтәчәк?.. Спектакльнең сюжеты менә шушы сорауларга җавап табуга корылган.

Тамашаның режиссеры – танылган актер Марат Бәшәров. Казандагы спектакльдә ул төп рольне уйнаган иде. Монысында да уйнаячак. «Тормышыңны үзгәртәсең килсә, үзеңнән башла – мин тамашачыларга менә шушы фикерне җиткерергә булдым. Һәм, беренче чиратта, үземнән башлыйм», – дип фикерен калдырган Марат спектакльнең рәсми сайтында.

 Аннан кала тагын «сөйләшү»дә Александр Головин, Рамил Сабитов, Ренат Абянов, Эльмира Кәлимуллина, Ринат Кәримов, Кайрат Примбердиев, Зелимхан Тимерсолтанов катнашачак.

«Күңел белән сөйләшү» 18нче февраль көнне Мәскәүнең Crocus City Hall залында үтәчәк.

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com