Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битЯңалыклар → Казанда чигү дәресе уза!

Казанда чигү дәресе уза!

Лилия Гәрәева
Лилия Гәрәева
19 декабря 2017
3179 карау

Чигәргә яратучылар, чигәргә өйрәнергә теләүчеләр – бу яңалык сезнең өчен!

 

23 декабрьдә – шимбә көнне Казанда, Бауман урымындагы «Нур-маркет»та урнашкан китап кибетендә милли бизәк – чигеш чигүгә багышланган осталык дәресе узачак. Дәресне көндезге сәгать өчтә Нурзия Сергеева уздыра.

 

Остаханәдә халкыбызның милли бизәкләре, борынгы чигү төрләре белән танышырга мөмкин булачак. Теләгән кешене калфак чигәргә дә өйрәтәчәкләр.

 

Үз материалы белән килгәннәр өчен дәрес бушлай, үзегез белән тукыма, төрле төстәге вак сәйләннәр, энә-җеп, мулине, киерге, кайчы алып килсәгез яхшы. Башкаларга исә керү бәясе 150-200 сум булачак.

 

Дәрескә кечкенә балаларыгыз белән дә килә аласыз. Сабыйларга да бик күңелле булачак монда. Аларга чигү үрнәкләре буягычлар рәвешендә тәкъдим ителәчәк. Рәссам-укытучы булып эшләгән Нурзия ханым төсләрне ничек кулланырга да өйрәтер.

 

Нурзия Сергеева – татар декоратив-гамәли сәнгатенә багышланган «Тылсымлы бизәк/Магия узора» китабы авторы. «Сөембикә» журналы укучыларына ул «Хатын-кыз галәме»ндә үткәргән осталык дәресе буенча да таныш. Исегездә булса, журналыбызның 2016 елгы март санында «Күләмле яки 3Dчигү» дип аталган мастер-класс күрсәткән иде ул.


Урыннар саны чикләнгән, алдан язылу сорала: 89872974243.

 

 

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com