Рөстәм Миңнеханов «Химград» технополисындагы сыйфатны үрнәк итеп күрсәтте / Яңалыклар / Сөембикә
Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битЯңалыклар → Рөстәм Миңнеханов «Химград» технополисындагы сыйфатны үрнәк итеп күрсәтте

Рөстәм Миңнеханов «Химград» технополисындагы сыйфатны үрнәк итеп күрсәтте

05 декабря 2017
1564 карау
Проектларга кертелгән инвестицияләрнең гомуми күләме 1 миллиард сумнан артып китә.

Бүген Татарстан Президенты Рөстәм Миңнеханов «Химград» технополисында яңа производстволар ачты. Проектларга кертелгән инвестицияләрнең гомуми күләме 1 миллиард сумнан артып китә.

Республика лидерының «Химград»ка сәфәре «Ирвис» фәнни-җитештерү предприятиесе белән танышудан башланды. Хәзерге вакытта биредә агрессив булмаган ягулык һәм инерт газлар өчен үлчәү приборлары әзерләү процессы бара. Әлеге проектка инвестицияләрнең гомуми күләме 106 миллион сум тәшкил итте.



Табышның фаразланган күләме елына 205 миллион сум тәшкил итә, дип белдерде компаниянең генераль директоры Дмитрий Кратиров.

«Ирвис» фәнни-җитештерү предприятиесе 1990 елда төзелгән. «Химград»та урнашкан предприятие газ счетчиклары һәм расходометрлары, пар счетчиклары эшләп чыгара.

Шуннан соң Рөстәм Миңнеханов «Cotton Way» фабрикасын эшләтеп җибәрүдә катнашты. Проектка инвестицияләрнең гомуми күләме 900 миллион сумнан артып китә. Ул елына 325 миллион сум табыш китерәчәк.

Компания генераль директоры Александр Уткин ТР Президентына хәбәр иткәнчә, киләчәктә фабрика тагын да киңәячәк. Бу очракта инвестицияләрнең гомуми күләме 1,5 миллиард сумнан артып китәр, ә җитештерү күләмнәре тәүлегенә 30-80 тонна тәшкил итәр дип көтелә. Фабрикада 175 яңа эш урыны булдырылачак.

Мондый фабрикалар кешеләрнең яшәү рәвешен сыйфат ягыннан үзгәртә, дип искәртте Рөстәм Миңнеханов. Бүгенге көндә компания 53 медицина учреждениесен кирәк-яраклар белән тәэмин итә, диде республика башлыгы. «Без биредә стерильлек, чисталык һәм медицина учреждениеләрен кирәкле бөтен әйберләр белән тәэмин итә торган иң алдынгы технологияләрне күрәбез», – дип билгеләп үтте ул.

Рөстәм Килсинбаев
Фото: Михаил Захаров
Чыганак: http://tatar-inform.tatar


 

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com