Татар опера җырчысы Аида Гарифуллина “Музыкаль Оскар” белән бүләкләнде / Яңалыклар / Сөембикә
Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битЯңалыклар → Татар опера җырчысы Аида Гарифуллина “Музыкаль Оскар” белән бүләкләнде

Татар опера җырчысы Аида Гарифуллина “Музыкаль Оскар” белән бүләкләнде

30 октября 2017
1727 карау

Казанда туып үскән, хәзер Вена операсы солисткасы, Татарстанның атказанган артисты Аида Гарифуллинага дәрәҗәле “ECHO Klassik” ("Эхо-классик 2017") фестивале премиясе тапшырылган. Бу хакта фестивальнең рәсми сайтында хәбәр ителә. Татар опера җырчысы премиягә Вена оркестры белән яздырган альбомы өчен лаек булган.


 

Мәгълүмат өчен. ECHO Klassik (Эхо-классик 2017) премиясе 1994 елдан башлап ел саен тапшырыла. Фестиваль Немец тавыш яздыру академиясе һәм Германиянең музыка индустриясе федераль ассоциациясе тарафыннан оештырыла. Лауреатларны музыка индустриясенең танылган экспертларыннан төзелгән жюри сайлый. ECHO Klassikның төп максаты – иң яхшы музыкаль язмаларны күрсәтү, яшь талантларны премия белән билгеләп үтү һәм классик музыканы киңрәк аудиториягә җәелдерү. Әлеге премия классик музыка дөньясында иң дәрәҗәлесе, аны музыкаль Оскарга тиңлиләр.
 

Быелгы лауреатлар кичә Гамбургта игълан ителде. “Сопрано Аида Гарифуллина (“Solo Recording”) һәм Претти Йендега (“Best New Artist”) ECHO Klassik премиясен немец актеры һәм танылган алып баручы Томас Готтшальк тапшырды”, - дип яза фестивальнең рәсми сайты. Хәбәрдә билгеләп үтелгәнчә, быел ECHO Klassik фестивалендә 22 номинациядә 54 премия тапшырылган. Аида Гарифуллина премияләр тапшырылу тантанасында чыгыш та ясаган.



чыганак: http://tatar-inform.tatar/news/2017/10/30/151379/

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com