Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
 Notice: Undefined index: title in /var/www/syuyumbike.ru/htdocs/_modules/8.php on line 274
${Title} Сәрия Сабурская ТР кеше хокуклары буенча вәкаләтле вәкил Сорауларга Татарстан Республикасында Кеше хокуклары буенча вәкаләтле вәкил Сәрия Харис кызы Сабурская җавап бирә
Бирелгән сорау:
Сезгә инвалидлар да үтенеч белән киләме? Аларга ничек ярдәм итәсез? (Альбина Мөстәкыймова. Әлмәт)
Эксперт җавабы:

Филиппинга – Азия илләрендәге Кеше хокуклары буенча вәкаләтле вәкилләрнең эшчәнлегенә багышлап үткәрелгән зур очрашуга барганда хәйраннар калган идем. Бер шәһәргә килеп төшәбез, икенче самолетка күчеп утыручылар өчен самолет янында бала һәм инвалид коляскалары тора. Хезмәт күрсәтүче персонал, инвалидларны коляскаларга утыртып, кирәкле самолетка китереп куя. ә бездә бу турыда хыялланырга гына мөмкин. Чит илдән кайтуга ук аэропорт, тимер юл вокзалы җитәкчелеге белән сөйләштем. Пандуслар, ишектән керү юлларына махсус җайланмалар, махсус бүлмәләр кирәклеге хакында әйттем. «Бездә пандус бар бит» диләр, аңламамышка салышалар. Шуны аңларга тиешбез: без бу проблемадан качып котыла алмыйбыз. Бүгенге көндә республикада 325,16 мең инвалид яши. Шуларның 46,4 меңе – әле гөрләтеп эшли торган яшьтә. ә менә ундүрт меңгә якыны – инвалид балалар. Аларны тормыштан аралап, фатирларында бикләп тоту, минемчә, җинаять ул. Менә кемнәр социаль яклауга мохтаҗ! Бу нәүбәттән хәзер Россия Федерациясе, Татарстан хөкүмәте белән берлектә, мөмкинлекләре чикләнгән кешеләргә медицина, социаль ярдәм күрсәтүне яхшырту буенча чаралар эшли. Программалар бар алар. Соңгы ун ел дәвамында гына да бездә җиде программа кабул ителде. Тик, күргәнегезчә, болар гына җитми.

Сораулар
хәерле кич, Сәрия Харисовна! 10 нчы сентябрь көнне энекәшем хатыны белән аерылды. хәзер инде әйберләрне бүлешә башлады киткән килен. ул әйткән үтенечне тыңламасаң, хәзер эшеңә барып, шулай итәм -болай итәм, дип яный башладылар әнисе белән. 5 яшьлек кызны да үзе белән алып китте. ул кыз белән аралашырга да, күрешергә дә ярамый. алимент түләргә гариза язган. кияүгә чыкканда әтиләре иске шестерка биргәннәр иде. ул машинаны үтилләштерү программасы буенча яңа четырнадцатый машинасын сатып алдылар. бер-ике ел йөргәннән соң, бу машинаны сатып, кредитка яңа машина алдылар. хәзер инде киткән килен теге машина өчен илле мең, бу машинаның ярты хакын сорый. ә кредитны ире түли. бу ирнең нинди хокуклары бар? баласы белән кайчан, ничек күрешә ала? бу хатын шантаж ясаган өчен аңа берәр штраф каралганмы? әллә аерылган очракта гел хатыннар гына җиңеп чыгамы? баланы әти кеше үзенә тәрбиягә алу өчен нинди шартлар кирәк? (зөлфия, киров өлкәсе нократ аланы районы иске пенәгәр авылы)
Сәрия Харисовна! Мин Сезгә мөрәҗәгать итәргә булдым, бәлки Сез ярдәм итә алырсыз. Һәрбер ана үзенең баласының бәхетлле булуын, оныкларын тәрбияләргә телидер. Малаем миңа үзенең әти булырга җыенуын әйткәч, мин сөенергә дә, еларга да белмәдем. Киленебез- "беженка", Россия гражданины түгел, студент. Алар 2015 елның гыйнварында Украинаның Луганск өлкәсеннән Мамадышка кайттылыр, чөнки әтисе шушы яктан, шушында туган. Әтисе кечкенә вакытта гаиләләре белән Украинага күченгән булалар. 20 яшьләрдә туган ягына кайтып эшләп кире китә. Анда озак еллар шахтада эшли. Монда яшәргә почмаклары да юк. Без ноябрь аенда игезәк кызлар көтәбез. Ләкин балалар өчен дә, әниләре өчен дә бер нинди акча чыкмаячак. Булачак оныкларыбызның, улым-Динарның бернинди хокукы юкмы? Хәзерге вакытта киленебез экзаменнар бирде, медкомиссия узды. (Розаалия, Мамадыш)
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com
Orgy