Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
 Notice: Undefined index: title in /var/www/syuyumbike.ru/htdocs/_modules/8.php on line 274
${Title} Айсылу Нәгыймова психолог Сорауларга психология фәннәре кандидаты, доцент Айсылу Нәгыймова җавап бирә.
Бирелгән сорау:
Исәнмесез, Айсылу ханым! Ярдәм итә алмассызмы икән? Мин бик уйчан кеше. Тормышта килеп чыккан проблемалар турында бик тирәнтен уйланам, күңел төшенкелегенә тиз биреләм, кеше сүзенә карыйм. Икенче баламны тапкач тагын да үзгәрдем. Көнкүреш проблемалары мине басып китте. Мин бик ярсучанга әйләндем, башымда начар уйлар барлыкка килә. Йокымның рәте китте, бик нык хәлсезлек сизәм, бар эшләрне мәҗбүри генә эшлим. Бу халәттән ничек чыгарга? Психотерапевтка бардым. Депрессиягә каршы таблеткалар язудан гайре булышмады. Күңелемне бер дә тынычландырмады. Таблеткалар белән дәваланасым килми. Алдан ук сезгә рәхмәт! (Гөлия, Казан)
Эксперт җавабы:
Психологик юнәлешләре буенча кешеләрне ике төркемгә бүлеп була: экстравертлар һәм интровертлар. Экстраверт кешеләр башлыча тиз һәм җиңел аралашучан, аларнын психологик кичерешләре дә тышкы дөньяга, кешеләргә, әйләнә-тирә мохитка юнәлдерелгән. Ә инде интровертлар, киресенчә, үз-үзендә казынып, тормышын, адымнарын, башка кешеләр белән булган мөнәсәбәтләрен энә күзеннән үткәрүчән. Табигатьтә чиста рәвештә тулысынча интроверт яки экстраверт кешеләр очрамый диярлек, тик сүзләрегезгә караганда сез күбесенчә интровертларны хәтерләтәсез. Ә инде сезнең кеше сүзенә караучанлыгыгыз экстравертлык билгесе түгел, ә бәлки эчке тотрыклыгыгыз булмаудан киләдер минемчә. Тормышта авыр яки катлаулы ситуацияләр килеп чыгу еш кына тирә-юньдәгеләрдән ярдәм алырга күнекмәгән интровертлар өчен зур сынауга әверелергә мөмкин. Икенче балагыз туу сезнең йорттагы эш-мәшәкатьләрне бермә-бер арттыргандыр дип уйлыйм. Шул ук вакытта сез балаларны тиешенчә карарга, гомумән, өйдәге булган барлык эшне дә үзегез генә башкарып чыгарга тырышасыз булыр. Бала тапканнан соң ныгып җитмәгән организм өчен бу бик зур сынау. Моңа хроник дәрәҗәдә йокы җитмәү, баланың әледән-әле көйсезләнеп, авырып алулары да өстәлсә... Гөлия, сезгә якыннарыгызның ярдәме кирәк. Сез инде хроник ару синдромы алдында торасыз. Әгәр дә ирегез, якыннарыгыз белән гаиләдә эшләрне рациональ рәвештә бүлешеп сезнең ял вакытызны арттыру турында бергәләп сөйләшмәсәгез, чыннан да җитди авырый башларга мөмкинсез. Минем алдагы бер язмамда хроник ару турында әйтеп кителгән иде, укып карагыз әле. Бәлки үзегезгә файдалы киңәшләр табарсыз.
Сораулар
Исәнмесез! Авылда яшәгәч, психологларга барып йөреп булмый. Шуңа күрә «Сөембикә» журналында психологка сорау бирергә мөмкинлеген күргәч куанып киттем. Минем проблемам, бәлки, кемгәдер мәзәк хәл генә булып тоелыр, тик миңа моннан бер дә җиңел түгел. Ирем белән 26 ел яшибез. Һәм шул 26 елның 6 елын инде тынычлап яшәп булмый. Ирем эшкә дә бик уңган, намазлар да укый, акыллы да. Һәм ул инвалид та. Инвалидлар түләүсез санаторияләргә баралар бит, шунда ирем бер инвалид хатын белән танышып кайткан. Аның белән телефоннан сөйләшеп, ноутбуктан шигырьләр язышып ятканнар. Мин моны иң беренче 5 ел элек белдем. Бер ел буе белми яшәгәнмен. Төне буе интернетта утырганына көлеп кенә карый идем, шигырьләренең дә кем өчен икәнлеген бик соң аңладым. Дин тоткан, намаз укыган кешенең башка хатын-кыз белән мәхәббәт уйнаганына ышанасы да килмәде. Бик зур тавышлар булды. Мин бик озак аңыма килә алмый йөрдем. Ирем, башка сөйләшмим, араны өзәм, диде. Аңлы-миңле йөргәндә, җиңелрәк булмасмы дип, укырга кердем. Һәм хәзер аның беркайчан да ул хатын белән арасын өзмәгәнен, телефоннан сөйләшеп торганын белдем. Мин укуда чагында, төнге сәгать 4 кә кадәр сөйләшеп ятканнар. Мин аңлыйм, шигырьләр яза торган булгач, ул бик акыллыдыр, телгә остадыр. Мин исә иремне мактый да, назлый да белмимдер. Мин аз сөйләшә торган кеше, алай булдыра алмыйм шул. Тик миңа иремнең башка хатын белән бөтен эч серләрен, шатлык-кайгыларын уртаклашуы бик авыр. Ул аның белән физик яктан бергә булмаган, бу мөмкин дә түгел, шуңа күрә ирем үзенең гамәлләрен гаеп эш итеп күрми дә. Мин аның белән йоклап йөрмим ич, ди. Шуңа күрә тавыш чыгарырга сәбәп тә юк кебек. Тик миңа барыбер бик авыр, миндә депрессия. Аерылып китимме дип тә уйлыйм – балалардан, авыл кешеләреннән оят. Миңа нишләргә икән? Берәр киңәш бирә алмассызмы? Мин иремнән көннән-көн читләшәм. Яшисе бик авыр. (Гүзәл, Татарстан).
Без ипташем менан 32 йыл йашайбез.яшьлай бик яратышып ойланештек.3 балабыз-бер ул,ике кызыбыз бар.Мин ирем,балаларым тип кена йашанем,уземде уйлау тиган тошонса булманы.Ирем,балаларым тип кена тибеп йашане йорагем,арттырмайым.Тик ирем хыянат итте...Намалар кисерганемде язып кына анлата алмайым.Минен осон донья туктаны.Кем кем,минен улеп яраткан ирем мине кемгалер алыштырган???Ул минан гафу утенде,эскелек аркахында булды тине,барыбер син гена минен йорагемда ти.Мин ныкнык кайгырдым,тондарен йоклай алманым,эй уйландым,эй уйландым,мин бер вакыттала уйламагайным шундай халга калырмын тип. Мин уны гафу ита алманым,а гаиламде таркатманым,а узена айттем мин сине богонго кондан яратмайым,тик балалар хакына гына йашайем тип.И шулай итеп ул минен йорагемда йашаузан туктаны.Ул минен осон юк ине,тик балаларымдын атасы.Шулай итеп яшап ятканда-мин юлда бер ир менан таныштым осраклы гына.Ул да гаилале,хатыны,балалары ,ейане бар.Телефон аша сойлашеп йордок,осраштык.Куп вакыт уткас анланык-без беребезне яратабыз!!!Доньяга яны тыугандай булдык икебезда.Был хал хазер 5 йыл дауам ита.Бер беребезга нык ойрандек,озак курешеп булмаса нишларга белмибез.Хазер без 50 не уттек.Икебезда анлайбыз -гаилане таркатып булмай,сон ,бик сон инде.Ул турала уйларга ла куркыта.Мин уны улеп яратам.Ансыз был доньянын яме юк.Тоннарем уны уйлап ута,нык нык сагынам уны !!!Мина бик кыен,узема урын таба алмайым,нама эшларга ла белмаем.Яратам .А узема урын таба алмайым.Яратмаган кеше менан яшауларе бик кыйын икан.А бит касандыр мин уны улеп ярата инем,хыянаты менан яратыуымды юкка сыгарды,а хазер икенсе кешене яратам.Тик унын менан берга булыу момкин тугел,балаларым хакына,минен уларды кайгыртасым килмай,нисек бар шулай калсын тип уйлаштык инде.Икенсе кешене яратам.Нык кыйын.Нык яфаланам.Уны нык сагынам.Йорагем яна.Нишларга? (Асия, Агидель)
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com
Orgy