Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСөендерер идем... → Мөселман дөньясындагы иң сөенечле, иң рәхәт, иң тәмле бәйрәмнәрнең берсе бүген. Ураза гаете!

Мөселман дөньясындагы иң сөенечле, иң рәхәт, иң тәмле бәйрәмнәрнең берсе бүген. Ураза гаете!

04 июня 2019
564 карау

 

...Инде ир-атлар: гаилә башлыклары, буй җиткән уллар, кечкенә малайлар – барысы да мәчеттән, гает намазыннан кайткандыр. Алар инде зиратларда булырга, ахирәткә күчкән якыннарның каберләрен зиярәт итәргә, изге бәйрәм көнендә аларны догалары белән сөендерергә өлгергәндер... (Әти кеше өйгә таба атлаганда, сүз арасында гына янындагы улларына: «Улым, әби-бабаңнар кебек без дә сезне, сезнең догаларны шулай көтәчәкбез», – дип әйтеп куярга да онытмагандыр.)

Ә өйләрдә... Өйләрдә таба ашлары пешәдер! Ир-атларны мәчетләрдән кайтышка кайнар коймак каршы алгандыр. Кемдер аны газда түгел, учакта пешергәндер... Ул коймакның исе, тәрәзәләрдән чыгып, тирә-күршеләрнең борынын кытыклагандыр...

Күзне ачуга күңелгә иңгән бәйрәм рухы әле көне буе дәвам итәр: телефонга, ватсапка яуган котлауларга җавап язарбыз, ерактагы туганнарга шалтыратырбыз, ялгыз әбиләрне гает коймагы белән сөендерербез (гаетләрдә тирә-күршеләрдәге карт-карчыкларга таба ашларын әниләр нигә нәкъ менә бездән керттергәне шундый аңлашыла хәзер!)... Туганнар, дус-ишләр белән кунакка йөрешербез. Бүген дә, иртәгә дә, берсекөнгә дә – бәйрәм бит әле өч буе дәвам итәчәк! 

Озын-озак кебек тоелган Рамазан ае сизелмичә дә узып китте. Догалар күбрәк кылынды, теләкләр күпкә күбрәк әйтелде – барыбыз да изге айда савап алып калырга тырыштык. Уйларның яхшысын гына уйларга, сүзләрне үлчәп сөйләргә... Инде болар барысы да гадәтебезгә әйләнсә иде!

Гает бәйрәмебез мөбарәк булсын! Тоткан уразаларыбыз, биргән сәдакаларыбыз, үткәргән ифтарларыбызны Аллаһы Тәгалә кабул кылсын! Яныбызда безне гел яхшылыкка өндәп торган иманлы дусларыбыз булсын. Безгә бер-беребез белән бары тик игелекләр кылуда гына ярышырга язсын!

Гаиләләрегезгә иминлек телибез!

«Сөендерер идем...» дип уйлап йөрү дә әйбәт. Әмма сөендереп әйткән һәр сүз тәрәзәдән очып кергән ак күгәрчен кебек көтелмәгән була бит ул. Бәйрәм яки юбилей белән котлау, хәтта мәхәббәт аңлату, шатлык уртаклашу яки болай гына – җанда җылы булганга күрә генә әйбәт, ягымлы сүз әйтү мөмкинлеге бирә сайтыбыздагы бу тәрәзә.
Сез аның аша җанга якын, кадерле кешеләрегезне сөендерә аласыз. Күңелегездә шундый ниятегез бар икән, моның өчен:
  • Якыныгызны сөендерәчәк сүзләрне язып, редакция адресына юллагыз (котлыйсы кешегезнең исем­фамилиясен төгәл күрсәтергә онытмагыз).
  • Котларга теләгән якын кешегезнең сыйфатлы фотосын да хат белән салсагыз, сайтка котлавыгызны аның рәсеме белән бергә урнаштырырбыз.
  • Хат, фотоны электрон адресыбызга җибәрә аласыз – ssuum@yandex.ru.
  • Элемтәгә керү өчен телефоныгызны күрсәтсәгез бик рәхмәтле булырбыз.

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com