Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСөендерер идем... → Яңа ел белән!

Яңа ел белән!

31 декабря 2018
230 карау

Тагын бер ел китабының соңгы битләрен ябабыз... Иң матур хыяллар, кадерле минутлар, көтелмәгән шатлыклар, күңелле хәбәрләр белән тулы тагын бер ел артта калды. Сизеп торам: тукта, ә югалту-сагышлар диясегез киләдер. Әйе, алары да шактый булды... Һәркемнең шәхси кайгы-борчулары да, җәмәгатьчелек белән кичерә торганнары да... Адәм баласы шулай яратылган инде: хәсрәткә күбрәк игътибар бирә, ә шатлыкны шулай тиеш дип кабул итә дә, уздырып җибәрә. Анысын кадерләп тору юк. Нишләптер без яхшыны, матурны күрергә, үстерергә өйрәнмәгән. Ә менә хәсрәтне арттыра беләбез... Юкса тормышның һәр көне – үзе бүләк! Яратып карасаң, кояшсыз көн дә яктыра, усал күршеләр дә мөлаемга әйләнә, яндагы ир дә игътибарлырак, балалар да тыңлаучанрак була бит. Ә без һаман канәгатьләнә белмичә, һавадан алтын яуганны көтәбез. Бүген яши белмибез – бөтен бәлабез шундадыр! 

Булганны кадерләмичә, иртәгәге көннән нидер көткән арада тормыш узып китеп бара. Анысы да атлап кына бармый – йөгерә. (Шәхсән үзем моның шулай икәненә «Сөембикә» журналына баш мөхәррир итеп билгеләнгәч тагын бер кат инандым. Монда вакытның узуы! Сез июнь санын укыганда, без инде августны әзерли башлыйбыз бит, димәк, тагын да тизрәк яшибез.) 

Әйдәгез, Яңа елны үзебез өчен яңа кагыйдәләр белән башлыйк әле. Әйтик, көннең иң матур вакыйгаларын язып барыйк, рәхмәтле булырга өйрәник (баш мөхәррир урынбасары Гөлнур Сафиуллина шулай эшли башлады инде, көн саен көндәлегенә рәхмәтләр яза!), булганны кадерлик! Шатлыкны арттырырга, үстерергә күнегик. Якыннарыбызга җылы сүзне кызганмыйк. Күп нәрсә фальшка корылган, ялган ялтыравык белән төрелгән, бик күпләр кемнедер узарга, кемнәрдәндер яхшырак күренергә омтылган бу заманда гап-гади, әмма ихлас җылылык шулкадәр тансык! Үпкәләп, гаеп эзләп түгел, яратып карыйк дөньяга! Бәрәкәтле, имин, матур Яңа ел телибез сезгә!

Гөлнара САБИРОВА

 
«Сөендерер идем...» дип уйлап йөрү дә әйбәт. Әмма сөендереп әйткән һәр сүз тәрәзәдән очып кергән ак күгәрчен кебек көтелмәгән була бит ул. Бәйрәм яки юбилей белән котлау, хәтта мәхәббәт аңлату, шатлык уртаклашу яки болай гына – җанда җылы булганга күрә генә әйбәт, ягымлы сүз әйтү мөмкинлеге бирә сайтыбыздагы бу тәрәзә.
Сез аның аша җанга якын, кадерле кешеләрегезне сөендерә аласыз. Күңелегездә шундый ниятегез бар икән, моның өчен:
  • Якыныгызны сөендерәчәк сүзләрне язып, редакция адресына юллагыз (котлыйсы кешегезнең исем­фамилиясен төгәл күрсәтергә онытмагыз).
  • Котларга теләгән якын кешегезнең сыйфатлы фотосын да хат белән салсагыз, сайтка котлавыгызны аның рәсеме белән бергә урнаштырырбыз.
  • Хат, фотоны электрон адресыбызга җибәрә аласыз – ssuum@yandex.ru.
  • Элемтәгә керү өчен телефоныгызны күрсәтсәгез бик рәхмәтле булырбыз.

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com