Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСөендерер идем... → Эльмира Закированы туган көне белән котлыйбыз!

Эльмира Закированы туган көне белән котлыйбыз!

19 декабря 2018
681 карау
Креатив кешенең яшен белеп буламы икән ул? Һәрвакыт яңа, иҗади һәм вакытлы идеяләре белән шаккаттырып торган кешенең яше белән кызыксынмыйлардыр ул. Без дә кызыксынмыйбыз. Бары тик бүген Эльмира апаның туган көне икәнен генә беләбез.  

«Ялкын» журналында ничә буын яшь журналистлар үстереп, анда эшләгән дәверен йомгаклап, «Сөембикә»гә килгәненә дә дистә ел икән инде аның. Беркөнне үзе әйтте дә тел шартлаттык. Аны бик күптәннән белгәннәр дә: «Эльмирага «Сөембикә»дә эшләү килеште: ул бөтенләй яңа яктан ачылды», - ди. «Яңа яктан» дигәннән,  аның былтыр чыккан «Иясез шатлык» китабы быел инде китап кибетләрендә калмаган да. Эльмира апа, яңа китап өлгермиме әле анда? 

Әнә, үзе редакциянең иң ерак почмагындагы эш өстәле артында баш та күтәрми эшләп утыра: номерга берәр авторның өр-яңа хикәясен редакцияләп бирәсе,  шигырьләр туплыйсы, мәкалә язасы һәм берәр бәйрәмгә туры килә торган иң матур шигырь юлларын эзләп табасы бар. Мөгаен, монысы иң кыеныдыр. Андый вакытта Эльмира апа энҗе эзләүчегә охшап кала: алдын тутырып шигырь китапларын җәеп сала, әле берсен, әле икенчесен актара. Беразадан: «Таптым!» дип, меңләгән шигырь арасыннан иң туры килердәен сайлап алып укып күрсәтә. Аның зәвыгын узып буламы соң инде: шунда ук килешәбез. 

Иске сүзне дә яңа итеп әйтә белә ул Эльмира апа. Аның кыска-кыска гына җөмләләренә дә, хәтта өндәүләре белән күпнокталарына да әллә никадәр мәгънә, әллә никадәр хис сыйган була. Ул һәрнәрсәне матурлык иләге аша үткәрә, моңа кадәр гадәти тоелган темаларны да кызыклы итеп күрсәтә белә. 



Һәм Эльмира апа Прага шәһәрен ярата. Прага турында ул бик күп итеп, озак итеп сөйли ала. Анда хәзер аеруча тылсымлы чор. Яңа ел вакытында ул тылсым бездә дә була. Безнең Эльмира апа да шундый могҗизалар көтә торган тәмле вакытта туган. Бәлки, шуңадыр ул үзе дә сабыйларча ихлас, эчкерсездер? 

Эльмира апа! Туган көнегез белән котлыйбыз! Сезгә имин, тигез тормыш, бәхет телибез! Озак еллар иҗат итеп яшәргә язсын! 

Сезне бик яратабыз! «Сөембикә» редакциясе. 
«Сөендерер идем...» дип уйлап йөрү дә әйбәт. Әмма сөендереп әйткән һәр сүз тәрәзәдән очып кергән ак күгәрчен кебек көтелмәгән була бит ул. Бәйрәм яки юбилей белән котлау, хәтта мәхәббәт аңлату, шатлык уртаклашу яки болай гына – җанда җылы булганга күрә генә әйбәт, ягымлы сүз әйтү мөмкинлеге бирә сайтыбыздагы бу тәрәзә.
Сез аның аша җанга якын, кадерле кешеләрегезне сөендерә аласыз. Күңелегездә шундый ниятегез бар икән, моның өчен:
  • Якыныгызны сөендерәчәк сүзләрне язып, редакция адресына юллагыз (котлыйсы кешегезнең исем­фамилиясен төгәл күрсәтергә онытмагыз).
  • Котларга теләгән якын кешегезнең сыйфатлы фотосын да хат белән салсагыз, сайтка котлавыгызны аның рәсеме белән бергә урнаштырырбыз.
  • Хат, фотоны электрон адресыбызга җибәрә аласыз – ssuum@yandex.ru.
  • Элемтәгә керү өчен телефоныгызны күрсәтсәгез бик рәхмәтле булырбыз.

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com