Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСөендерер идем... → Котлыйбыз!

Котлыйбыз!

18 сентября 2018
228 карау
Татарстан Республикасы вакытлы матбугат чараларында милләтара һәм динара мөнәсәбәтләр темасын яктырткан язмалар бәйгесе җиңүчеләре арасында «Сөембикә» журналы да бар!  Хезмәттәшебез Лилия ГӘРӘЕВА «Иң яхшы интернет-язма» номинациясендә I урынны алды!  

«Яһүд мунчасы» (http://syuyumbike.ru/yashaesh/cennosti/?id=3343), «Мокшыларда туйда булдык» (http://syuyumbike.ru/yashaesh/cennosti/?id=7659), «Дагестан кызы» (http://syuyumbike.ru/tatar-doniyasy/goref-gadet/?id=7858)...  

Исегезгә төштеме? Әлбәттә, хәтерлисез! Һәрберсе сезгә таныш, сез укыган язмалар.  

Жюри әгъзаларының берсе – галимә, тарих фәннәре кандидаты Резеда ханым Сафиуллина: «Лилия ханымның язганнарын күз яшьләре белән укыдым», – диде. Ихласлыгы, җылылыгы, самимилеге белән аерылып тора бу язмалар. Чыннан да, аларны күз яшьсез укып булмый. «Яһүд мунчасы»нда, мәсәлән, тыела алмыйча озак итеп көлгәнгә чыга ул яшьләр.  Мокшылар туенда күргәннәрен уку да кәефне күтәрә. Ә «Дагестан кызы»на килеп җиткәч, Лилиягә кушылып Наиданы сагынасың да, моңсуланып куясың... (Наида турында без – редакция хезмәткәрләре Лилия сөйләгәннәрдән шундый күп беләбез! Ул инде күптән барыбыз өчен дә якын бер кеше!)   


Яһүд, мокшы, табасаран... Лилия аларның һәрберсен яратып яза! Әйе, без төрле: телләребез, гореф-гадәтләребез, көнкүрешебез, йолаларыбыз... Әмма без барыбыз да Ходай балалары! 
 
«Сөендерер идем...» дип уйлап йөрү дә әйбәт. Әмма сөендереп әйткән һәр сүз тәрәзәдән очып кергән ак күгәрчен кебек көтелмәгән була бит ул. Бәйрәм яки юбилей белән котлау, хәтта мәхәббәт аңлату, шатлык уртаклашу яки болай гына – җанда җылы булганга күрә генә әйбәт, ягымлы сүз әйтү мөмкинлеге бирә сайтыбыздагы бу тәрәзә.
Сез аның аша җанга якын, кадерле кешеләрегезне сөендерә аласыз. Күңелегездә шундый ниятегез бар икән, моның өчен:
  • Якыныгызны сөендерәчәк сүзләрне язып, редакция адресына юллагыз (котлыйсы кешегезнең исем­фамилиясен төгәл күрсәтергә онытмагыз).
  • Котларга теләгән якын кешегезнең сыйфатлы фотосын да хат белән салсагыз, сайтка котлавыгызны аның рәсеме белән бергә урнаштырырбыз.
  • Хат, фотоны электрон адресыбызга җибәрә аласыз – ssuum@yandex.ru.
  • Элемтәгә керү өчен телефоныгызны күрсәтсәгез бик рәхмәтле булырбыз.

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com