Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСөендерер идем... → Татарстан Республикасы Президенты Рөстәм Миңнехановның Бөек Ватан сугышында Җиңүнең 73 еллыгы уңаеннан мөрәҗәгате.

Татарстан Республикасы Президенты Рөстәм Миңнехановның Бөек Ватан сугышында Җиңүнең 73 еллыгы уңаеннан мөрәҗәгате.

09 мая 2018
240 карау
«Кадерле татарстанлылар, сугышта катнашкан һәм тылда тырышып эшләгән фидакарьләр!
Дәүләт Советы, Татарстан Республикасы Хөкүмәте исеменнән һәм шәхсән үзем сезне Бөек Ватан сугышында Җиңүнең 73 еллыгы уңаеннан чын күңелдән тәбрик итәм.

Җиңү көнен – 9 майны без кешелек тарихындагы иң дәһшәтле, иң канкойгыч сугышның тәмамлануын бәйрәм итү белән генә бәйләп карамыйбыз, хәзер ул бер ил гражданнары буларак тәңгәллегебезнең аерылгысыз өлешенә, күпмилләтле халкыбызның ныклыгы, каһарманлыгы  һәм бөеклеге символына әверелде.

Тар-мар ителгән Рейхстаг өстендә совет солдаты күтәргән Җиңү байрагы бүген дә безне хәрби һәм хезмәт батырлыкларына рухландырып тора. Шагыйрь Феликс Чуев бу изге әләм турында хаклы рәвештә: «Аның тантанасы канат җәйде безнең солдатларның булып даны. Алда әле күпме җиңү! Кырык биштә шуларның беренчесе әле бары», – дип язды.

Бөек Җиңү зур югалтулар хисабына яуланды: дистә миллионнарча кеше һәлак булды, меңнәрчә шәһәр һәм авыл янып көлгә әйләнде, завод-фабрикалар җимерелде, мәдәният һәйкәлләре юкка чыгарылды. Татарстаннан гына да җиде йөз меңнән артык кеше дошманга каршы сугышка китте, шуларның өч йөз илле меңе диярлек туган нигезләренә әйләнеп кайтмады. Без бу фаҗигане бер вакытта да онытмаячакбыз һәм нацистларга, аларның идеологиясе варисларына коточкыч җинаятьләрен, геноцид, баскынлык, ачлык һәм блокада   вәхшилекләрен һичкайчан кичермәячәкбез.
Җир шары яңадан глобаль куркыныч алдында торган хәзерге көннәрдә бабаларыбызның каһарманлыгын мирас итеп алган Кораллы Көчләребез Ватан чикләрендә акылсыз, агрессияле гамәлләргә һәм халыкара террорчылыкка нәтиҗәле каршы тора. Тыныч хезмәт, балаларның бәхетле киләчәге ышанычлы сакланырга тиеш!

Бүген без туган илебез азатлыгын саклап аяусыз көрәшкән, завод цехларында, колхоз кырларында, конструкторлык бюроларында Бөек Җиңүгә лаеклы өлеш керткән каһарман буын вәкилләрен  – фронтовикларны һәм тыл хезмәтчәннәрен тирән хөрмәт һәм олы рәхмәт хисләре белән зур бәйрәм уңаеннан ихлас котлыйбыз. Ни кызганыч, вакыт бернигә карамыйча уза һәм ул тарихи вакыйгаларда турыдан-туры катнашкан кешеләр саны һаман кими бара. Мөхтәрәм  ветераннар, чын йөрәктән сезгә озын гомер, бәхет һәм иминлек телим!

Яу кырында башын салган Ватан солдатлары мәңге онытылмас! Дәһшәтле сугышта җиңү яулаган каһарман халыкка мәңгелек дан!

Илгә-көнгә тынычлык, бәрәкәтле, уңышлы хезмәт, шатлыклы матур көннәр телим сезгә, хөрмәтле татарстанлылар! Җиңү бәйрәме котлы булсын!

Татарстан Республикасы Президенты Р.Н. Миңнеханов».

чыганак: http://president.tatar.ru/tat/index.htm/news/1194854.htm

«Сөендерер идем...» дип уйлап йөрү дә әйбәт. Әмма сөендереп әйткән һәр сүз тәрәзәдән очып кергән ак күгәрчен кебек көтелмәгән була бит ул. Бәйрәм яки юбилей белән котлау, хәтта мәхәббәт аңлату, шатлык уртаклашу яки болай гына – җанда җылы булганга күрә генә әйбәт, ягымлы сүз әйтү мөмкинлеге бирә сайтыбыздагы бу тәрәзә.
Сез аның аша җанга якын, кадерле кешеләрегезне сөендерә аласыз. Күңелегездә шундый ниятегез бар икән, моның өчен:
  • Якыныгызны сөендерәчәк сүзләрне язып, редакция адресына юллагыз (котлыйсы кешегезнең исем­фамилиясен төгәл күрсәтергә онытмагыз).
  • Котларга теләгән якын кешегезнең сыйфатлы фотосын да хат белән салсагыз, сайтка котлавыгызны аның рәсеме белән бергә урнаштырырбыз.
  • Хат, фотоны электрон адресыбызга җибәрә аласыз – ssuum@yandex.ru.
  • Элемтәгә керү өчен телефоныгызны күрсәтсәгез бик рәхмәтле булырбыз.

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com