Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСөендерер идем... → Туган көнең белән котлыйбыз, Камилә!

Туган көнең белән котлыйбыз, Камилә!

16 апреля 2018
470 карау
Туган көнең белән котлыйбыз, Камилә!
 
Апрельдә туган кызлар бар да яз чәчәкләредәй нәфис, кояшлы көн кебек җылы һәм якты, гөрләвекләр сыман йөгерек була – нәкъ синең кебек! Тагын... күңелләре тулы хыял, матурлык, шигырь була әле. (Сиңа охшаган бит! Хәер, шагыйрь Зөлфәт оныгы булсын да!..) Позитив, креатив, әйбәт энергетикалы... Монысы да – Камилә! («Сәләт» сәлкеше, «Сәләт» әйдаманы лабаса!)
Яратып, үзеңне Шәрык кызы дип йөртәбез. Озын итәкләрең, килештереп бәйләнгән ал, зәңгәр, шәмәхә, фирүзә төсендәге яулыкларың, сизелер-сизелмәс шаянлыгың, елмаюларың сине тагын да серлерәк итә.Университетның
Көнчыгыш телләре факультетында укып, гарәп, фарсы, төрек, инглиз телләрен үзләштергән, Шәрык дөньясын өйрәнгән, җай чыгу белән шул илләргә ашкынган Камилә бит син!..
 
«Сөембикә» журналы редакциясендә исә Камилә Димөхәммәтова – сайт мөхәррире. Сайтка куелган иң җитез хәбәрләр, кунакка чакырылган затлы шәхесләр, рәхәтләнеп укыла торган кызыклы әңгәмәләр, бик кирәкле киңәшләр, хикәяләр-шигырьләр аның күңел эзләнүләре, дизайн осталыгы, җанга үтеп керә алу сәләте, психолог осталыгы аша укучылар күңелен яулый. Камилә кулы, Камилә күңеле кагылып узган язмаларыбызны сайтта күреп, өр-яңа итеп кабул итәбез. Көтелмәгән исем, кечкенә генә бер штрих, сирәк фото... һәм укучылар ябырылып укый шуны!
 
Кыскасы, син – безнең күңелләрне язга, матурлыкка, гел яхшыга көйләүче, Камилә! Беләбез инде, зәңгәр офыкларга төбәлеп, бөрегә тулышкан каеннарга карап, тал песиләрен җай гына сыйпап, елмая-елмая котлаулар кабул итәсеңдер бу минутларда. Казаннан, «Сөембикә»ләрдән сәлам! Без дә чын күңелдән котлыйбыз сине, Камилә! Бәйрәмең матур узсын!
«Сөендерер идем...» дип уйлап йөрү дә әйбәт. Әмма сөендереп әйткән һәр сүз тәрәзәдән очып кергән ак күгәрчен кебек көтелмәгән була бит ул. Бәйрәм яки юбилей белән котлау, хәтта мәхәббәт аңлату, шатлык уртаклашу яки болай гына – җанда җылы булганга күрә генә әйбәт, ягымлы сүз әйтү мөмкинлеге бирә сайтыбыздагы бу тәрәзә.
Сез аның аша җанга якын, кадерле кешеләрегезне сөендерә аласыз. Күңелегездә шундый ниятегез бар икән, моның өчен:
  • Якыныгызны сөендерәчәк сүзләрне язып, редакция адресына юллагыз (котлыйсы кешегезнең исем­фамилиясен төгәл күрсәтергә онытмагыз).
  • Котларга теләгән якын кешегезнең сыйфатлы фотосын да хат белән салсагыз, сайтка котлавыгызны аның рәсеме белән бергә урнаштырырбыз.
  • Хат, фотоны электрон адресыбызга җибәрә аласыз – ssuum@yandex.ru.
  • Элемтәгә керү өчен телефоныгызны күрсәтсәгез бик рәхмәтле булырбыз.

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Матбугат чаралары белән элемтәләр урнаштыру булеге белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com