Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСөендерер идем... → Ауу, Фәнзилә!!! Котлыйбыз!!!

Ауу, Фәнзилә!!! Котлыйбыз!!!

10 февраля 2018
574 карау
​ 
 Әле командировкада, әле интервьюда, форумда, конференциядә, концертта… Тагын әллә кайларда… Шул, безнең Фәнзилә инде! Фәнзилә Мостафина! «Летучка»ларда гына күреп калабыз. Редакция заданиесе белән тагын каядыр чыгып чаба. Ерактагы кояш кебек ул безнең.


 
Инстаграмдагы фотоларына гына күз салыгыз! Диңгез, диңгез… һәм Фәнзилә! Таулар, таулар… һәм Фәнзилә! Чәчәкләр, чәчәкләр… һәм Фәнзилә! Әле Лондонда Пикадиллида йөри, Тауэр күпереннән безгә кул изи, әле Төркиянең Трабзонында журналист коллегалары белән аралаша, йә Мәскәүнең Кызыл мәйданын яулый! Һәм, ниһаять, чәчәк такыялары «кидергән» зәңгәр велосипедын бер кырыйга куеп,яшел чирәмгә тәгәри… Бигрәк матур! Абау! (Фәнзиләнең яраткан сүзе! Мәктәптә укыганда үзе чыгарган газета исеме дә әле ул!) Күз тимәсен берүк! Безнең «Сөембикә»ләрнең күз карашы белән генә сөеп карый торган яраткан сеңлесе, төпчек кызы ла!



 
Кызыл блузка, кызыл иреннәр… Кара клеш итәк, кискән кара чәчләр… Ә күзләре көлеп тора… Студент образындагы менә шундый серле фәрештә! (Яраткан гыйбарәсе – «Фәрештәләр еламый!»). Уйчан һәм шаян, хыялый һәм җитди, йомшак һәм кыю, тыйнак һәм тәвәккәл… Нечкә юморы әллә нинди рәхәт бер дулкынга көйли дә, язмаларын елмаеп укыйсың.
 
Журналист кына түгел, инглизчәдән шәп тәрҗемәче дә.(Дипломы бар!) Хәзер медицина темасында чарлана. Фото, театр, китаплар, хоккей, сәяхәтләр, экстрим – аныкы! Язга ашыккан зәңгәр февраль, ап-ак кар көртләре, чаңгы юллары, бәсле агачлар – Фәнзиләнеке! («Бәлки, син дә минем белән бергә / Тагын бераз кышта калырсың?/ Мин февральдән рөхсәт сорадым», дип яза бит ул әнә!) Ә Фәнзилә үзе – безнеке, «Сөембикә»неке! Безнең хатын-кызлар галәмен яшьлеге, зирәк акылы, таланты, әйбәт аурасы белән баетучы серле фәрештә.
Туган көнең белән котлыйбыз сине, Фәнзилә-фәрештә! Хыял белән тулы иҗат газаплары, маҗаралы сәфәрләр, шәп геройлар, күңелле мәшәкатьләр, уңышлар, җиңүләр телибез!
 Сагынабыз! Яратабыз! Көтәбез!

«Сөембикә»ләр       
«Сөендерер идем...» дип уйлап йөрү дә әйбәт. Әмма сөендереп әйткән һәр сүз тәрәзәдән очып кергән ак күгәрчен кебек көтелмәгән була бит ул. Бәйрәм яки юбилей белән котлау, хәтта мәхәббәт аңлату, шатлык уртаклашу яки болай гына – җанда җылы булганга күрә генә әйбәт, ягымлы сүз әйтү мөмкинлеге бирә сайтыбыздагы бу тәрәзә.
Сез аның аша җанга якын, кадерле кешеләрегезне сөендерә аласыз. Күңелегездә шундый ниятегез бар икән, моның өчен:
  • Якыныгызны сөендерәчәк сүзләрне язып, редакция адресына юллагыз (котлыйсы кешегезнең исем­фамилиясен төгәл күрсәтергә онытмагыз).
  • Котларга теләгән якын кешегезнең сыйфатлы фотосын да хат белән салсагыз, сайтка котлавыгызны аның рәсеме белән бергә урнаштырырбыз.
  • Хат, фотоны электрон адресыбызга җибәрә аласыз – ssuum@yandex.ru.
  • Элемтәгә керү өчен телефоныгызны күрсәтсәгез бик рәхмәтле булырбыз.

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com