Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСөендерер идем... → Бүген безнең дә бәйрәм, Гөлнур!

Бүген безнең дә бәйрәм, Гөлнур!

29 декабря 2017
605 карау
Гөлнур... Ул безнең редакциянең визит карточкасы сыман. Хатын-кызның күңел халәтен бик төгәл билгеләүче барометр дисәң дә була үзен. Язмаларын укып, йөзләгән, меңләгән укучыларыбыз Гөлнур Сафиуллина (кайчагында – Гөлнур Хәсәншина) геройлары белән яши башлый. Һәр яңа сан саен Гөлнур гына күреп ала алган искитмәле язмышлар белән очрашалар. Аңа ияреп, күңелләре белән Саба, Минзәлә, Сарман, Кайбыч, Бөгелмә,Чаллы, Әлмәтләрдән урап кайталар. (Соңгы командировкаларын гына искә төшердек әле...) Алай гынамы! Телләрендә гел Кубадан, Польшадан, Бельгиядән, хәтта Һиндстаннан Гөлнур тапкан татар хатыннары гына була! Чын Журналист ул безнең! Командировкага җыена, очрашуга бара, журнал өчен материал әзерли башласак, барыбыз да иң элек Гөлнурны искә төшерәдер. Хатын-кыз журналист халәтен язып та чыкты инде ул. «Димәк, иртәгә юлга... Безнең таң белән кузгаласыбызны барасы җиребездә беләләр, диктофонның батарейкасы тикшерелгән, кирәге чыкса дип, блокнот белән каләм әзерләнгән... Барысы да булды кебек... Әгәр мин ир-ат журналист булсам, «әйе» дияр идем. Тик хатын-кыз өчен әле эшнең яртысы гына башкарылды дисәң дә ярый. Авыры алда –өйдәгеләрне көйлисе бар...»



Оператив, бөтен яңалыктан хәбәрдар, күп укый, күп белә, йөрәктән үткәреп яза, сабыр, тыйнак, заманча, яшьләрчә... «Сөембикә» журналисты шундый булырга тиештер ул – Гөлнур кебек!
Зәйтүн җимеше төсендәге күзләренә косынкасы да, итәге дә төстәш. Ни гаҗәп, зәңгәр күлмәк кисә, күзләре дә фирүзә күк йөзе булып көлә башлый. Зәңгәр күлмәккә кызыл мәрҗән муенса, кызыл бил каешы, күр, ничек туры килә икән! Монысы да – безнең Гөлнур! Ә без ул кадәресен белми дә идек. Гөлнурның зәвыгы, имиджы да үзенә бертөрле, кабатланмас шул!

Яңа ел алдындагы күңелле ыгы-зыгыда бу дөньяга аваз салган Гөлнурга бу җиһанны матурлау вәкаләте күкләрдән күчкәндер. Ул шуңа елмаеп тугандыр. Бәйрәмең безнең дә бәйрәм, Гөлнур! Чын күңелдән котлыйбыз!
Уңышларыңа сөенеп, бәхет теләп – «Сөембикә» кызлары.
 
 
«Сөендерер идем...» дип уйлап йөрү дә әйбәт. Әмма сөендереп әйткән һәр сүз тәрәзәдән очып кергән ак күгәрчен кебек көтелмәгән була бит ул. Бәйрәм яки юбилей белән котлау, хәтта мәхәббәт аңлату, шатлык уртаклашу яки болай гына – җанда җылы булганга күрә генә әйбәт, ягымлы сүз әйтү мөмкинлеге бирә сайтыбыздагы бу тәрәзә.
Сез аның аша җанга якын, кадерле кешеләрегезне сөендерә аласыз. Күңелегездә шундый ниятегез бар икән, моның өчен:
  • Якыныгызны сөендерәчәк сүзләрне язып, редакция адресына юллагыз (котлыйсы кешегезнең исем­фамилиясен төгәл күрсәтергә онытмагыз).
  • Котларга теләгән якын кешегезнең сыйфатлы фотосын да хат белән салсагыз, сайтка котлавыгызны аның рәсеме белән бергә урнаштырырбыз.
  • Хат, фотоны электрон адресыбызга җибәрә аласыз – ssuum@yandex.ru.
  • Элемтәгә керү өчен телефоныгызны күрсәтсәгез бик рәхмәтле булырбыз.

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com