Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСөендерер идем... → Эльмира ЗАКИРОВАны туган көне белән котлыйбыз!

Эльмира ЗАКИРОВАны туган көне белән котлыйбыз!

19 декабря 2017
460 карау

Күңел иң матур, иң җылы сүзләрне барлый... Барысын бер җепкә тезеп, әйтәсе килгәннәрнең һәммәсен җиткереп булырмы икән?

           

 

Бездә бәйрәм бит бүген! Эльмирабызның туган көне! (Әйе, әйе, беләбез, күбебез аңа «апа» дип эндәшергә тиеш. Тик... төс-кыяфәте белән дә, күңеле белән дә гел яшь булып калган кешегә ничекләр шулай дәшәсең?! Вакытыннан алда безне – хатын-кызны картайтырга ярыймени?!)

Быел – Эльмира елы! Әйе инде, Эльмира Закированың Татарстан китап нәшриятында дөньякүргән «Иясез шатлык» китабы турында әйтүебез. (Яңа эшкә тотынырга беркайчан да соң түгел дигән гыйбарәгә шундый шәп мисал бу!) Китап безнең күз алдында язылды, басылып чыкты. Аның иң беренче укучылары без булдык! «Иясез шатлык» безнең һәркайсыбызга да шундый кадерле... Инде аның дәвамын көтәбез. Дөресрәге, икенче китапны. Эльмира Закирова дигән язучыны яратырга өлгергән укучы да көтәдер аны. Китап кибетенә кергән саен киштәдән инде исемен эзлидер... (Эльмира, ишетәсеңме, укучыны көттерергә ярамый!)

Эльмира язмаларының героинялары – бәхетле! Һәр җөмләсе генә түгел, сүзенә кадәр уйланган була бит ул язмаларның. Моңа кадәр әллә никадәр журналист язырга өлгергән булса да, Эльмира каләмгә тотынса, ул кешенең моңарчы берәү дә күрмәгән якларын ача. АльбинаШаһиморатова, Эльмира Кәлимуллина, Аида Гарифуллина... Һәрберсенең күңеленә үтеп керде: аларны татар дөньясына, якынайтты, «Сөембикә»безне үз иттерде.

Ә Эльмираның үзен бер сүз белән ачып буламы икән? «Самими» дисәк, моңа, мөгаен, барысы да сыяр: дөньяга гел гаҗәпләнеп каравы, ихласлыгы, матурлыкка тартылуы, күңеленең нечкәлеге, сизгерлеге, бөтен кешедә дә яхшылык кына эзләве (һәм табуы!), кайчакта балаларча беркатлыгы (анысын инде һәрвакыт озак еллар буе балалар матбугатында эшләве белән бәйлибез. Һәм дөрес бәйлибез!), сөенә белүе, чын йөрәктән кайгыруы (мондый мизгелләр сирәк булсын, Эльмира! Иң яхшысы – бөтенләй булмасын!)...

Менә шундый ул безнең Эльмирабыз!

Туган көнең котлы булсын! Ходай сәламәтлектән, тигезлектән аермасын! Озын, бәрәкәтле иҗат гомере сиңа!

Яратып, бик-бик якын итеп – «Сөембикә» редакциясе.

«Сөендерер идем...» дип уйлап йөрү дә әйбәт. Әмма сөендереп әйткән һәр сүз тәрәзәдән очып кергән ак күгәрчен кебек көтелмәгән була бит ул. Бәйрәм яки юбилей белән котлау, хәтта мәхәббәт аңлату, шатлык уртаклашу яки болай гына – җанда җылы булганга күрә генә әйбәт, ягымлы сүз әйтү мөмкинлеге бирә сайтыбыздагы бу тәрәзә.
Сез аның аша җанга якын, кадерле кешеләрегезне сөендерә аласыз. Күңелегездә шундый ниятегез бар икән, моның өчен:
  • Якыныгызны сөендерәчәк сүзләрне язып, редакция адресына юллагыз (котлыйсы кешегезнең исем­фамилиясен төгәл күрсәтергә онытмагыз).
  • Котларга теләгән якын кешегезнең сыйфатлы фотосын да хат белән салсагыз, сайтка котлавыгызны аның рәсеме белән бергә урнаштырырбыз.
  • Хат, фотоны электрон адресыбызга җибәрә аласыз – ssuum@yandex.ru.
  • Элемтәгә керү өчен телефоныгызны күрсәтсәгез бик рәхмәтле булырбыз.

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Матбугат чаралары белән элемтәләр урнаштыру булеге белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com