Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСөендерер идем... → Кояш гомере телим, әнием, сиңа!..

Кояш гомере телим, әнием, сиңа!..

25 ноября 2018
743 карау
Дөньяга бик тиз караңгы иңә торган, кояшы да әллә кая кереп югалган дымык ноябрьнең якты бер көне бар шулай да…  Әниләр көне ул! Әллә нинди җылы, рәхәт көн!  Әни, Әнкәй, Әнием, Нәнәм… Кем ничек дәшә әнисенә –  шул кадерле сүзне кат-кат кабатлап, бүләкләр әзерләгән булабыз (җылы шәл , матур чәчәкле яулык, йомшак башмаклар…),  күчтәнәчләрен хәстәрлибез (әни җимешләп чәй эчәргә ярата, пешергән камыр ашларын «бигрәк уңган!» дип мактый…), купшы чәчәкләр янында тулганабыз да, әнигә болары ныграк ошаячак, дип, чүлмәктәге гөлләрне сайлый башлыйбыз… Ерактамы-якындамы әни – котларга ашыгабыз: барабыз, кайтабыз, шалтыратабыз… Әнә шулай  томан артында калган балачакка, әни янына ашкынуыбыз бу безнең. Ә әниләр һаман шул ук: матур, ягымлы,  ипле, сабыр, кайгыртучан, «балам» диеп өзелеп тора…

Бүген барыбызның да күңелендә шушы халәт, шушы хисләрдер. Тагын шунысы да бар: «Сөембикә» журналын укучыларның зур күпчелеге – Әниләр бит! Кадерлеләребез, газизләребез, бердәнберләребез! Әниләр көне белән ихлас йөрәктән котлыйбыз Сезне! Җылы сүзләребез һәркайсыгызга барып җитсен, кәефегезне күтәрсен, сөенеч булып, йөзләрегезне иркәләсен. Бер  дә авырмагыз! Шатлыкларыгыз күп булсын! Балаларыгыз гел сөендереп кенә торсын! Кояш гомере телибез Сезгә! «Сөембикә» журналының Сезгә аталган бүләге дә бар: «Әниемә мәдхия» дигән проектыбызны махсус Сезнең өчен оештырдык. Сайтыбыздан укып барыгыз әле, исемнәре билгеле шәхесләр үз әниләре турында яза. Ул язмалар  Сезнең турыда да, кадерле Әниләр!

Тирән ихтирам белән, «Сөембикә» журналы. 
Проектта катнашкан барлык авторларыбызга олы рәхмәтебезне белдерәбез! Проектка килгән язмаларны биредән укый аласыз: http://www.syuyumbike.ru/ani/ 

фото: https://pixabay.com
«Сөендерер идем...» дип уйлап йөрү дә әйбәт. Әмма сөендереп әйткән һәр сүз тәрәзәдән очып кергән ак күгәрчен кебек көтелмәгән була бит ул. Бәйрәм яки юбилей белән котлау, хәтта мәхәббәт аңлату, шатлык уртаклашу яки болай гына – җанда җылы булганга күрә генә әйбәт, ягымлы сүз әйтү мөмкинлеге бирә сайтыбыздагы бу тәрәзә.
Сез аның аша җанга якын, кадерле кешеләрегезне сөендерә аласыз. Күңелегездә шундый ниятегез бар икән, моның өчен:
  • Якыныгызны сөендерәчәк сүзләрне язып, редакция адресына юллагыз (котлыйсы кешегезнең исем­фамилиясен төгәл күрсәтергә онытмагыз).
  • Котларга теләгән якын кешегезнең сыйфатлы фотосын да хат белән салсагыз, сайтка котлавыгызны аның рәсеме белән бергә урнаштырырбыз.
  • Хат, фотоны электрон адресыбызга җибәрә аласыз – ssuum@yandex.ru.
  • Элемтәгә керү өчен телефоныгызны күрсәтсәгез бик рәхмәтле булырбыз.

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com