Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСөендерер идем... → СИНЕ КӨТСЕН БӘХЕТ ДАГАСЫ!

СИНЕ КӨТСЕН БӘХЕТ ДАГАСЫ!

14 сентября 2017
564 карау

«Кыз йолдызы – минем йолдыз»... Исегезгә төштеме? Асия Юнысова шигыреннән ул канатлы сүзләр. Һәм Асия апаны ачар өчен шул сүзләре генә дә җитә менә! Йолдызнамәнең иң нәфис бизәге «Кыз» (Асия апа дип карарга кирәк!) – тырыш, җаваплы, һәрчак камиллеккә омтыла, шәп зәвыклы, тәртип-пөхтәлек ярата, киңкырлы, эрудицияле, сизгер күңелле, ихлас, иҗади, чын профессионал, ышанычлы дус... Кара, туры килә бит Асия апага! Ә без ул характеристиканы үзебез белгәнчә баетабыз, тулыландырабыз әле. Ул гадел, таләпчән, юмарт, хыялый, эчендәге тышында... дип. Республиканың танылган журналисты икәнен дә һәрчак истә тотабыз. «Ватаным Татарстан», «Татарстан», «Сәхнә»дә эшләп йөргән елларын хәтердә яңартабыз. Тирән эчтәлекле, гыйбрәтле, ювелир хезмәтенә тиң язмаларына сокланабыз. Аның сүзләренә Зәйнәп Фәрхетдинова җырлый торган җыры – безнең яраткан җырлар арасында!

«Туган якка кайттым әле менә,

Сагындырган читтә гел йөреп...»

Күңелебез белән Асия апаның туган якларына – Ык буендагы авылына «очабыз»!

Яшерен-батырын түгел, Асия апа хатын-кызларның нечкә-нәзберек күңеленә тәңгәл килерлек итеп яза – көнләшеп, кызыгып укыйбыз. Төн эчендә яза да ата бит! Һәм укучыны тәмам сихерли шулай!

Ул – көз кызы, сентябрь гөле, дибез.

Чү, кыңгыраулар чыңлагандай рәхәт көлү яңгырый... Асия апа көлүе! Менә хәзер ишек ачылып китәчәк һәм үзенә күңелле ыгы-зыгы, күтәренке кәеф, һәркемгә ирештереләсе матур сүзләрен ияртеп, ялт кына пешереп куйган кыстыбый-пәрәмәчләрен күтәреп: «Кызлар, минем бүген бәйрәм бит әле», – дип, Асия апа килеп керәчәк!

Ә урамда – сентябрь кояшы елмая. Тәрәзәдән – тамчы да саргаерга өлгермәгән яшь, яшел көз карый. Казансудан җылы җил сәлам биреп пышылдый. Кызыл миләшләр ниндидер бәйрәм купшылыгы өсти. Табигать тә, күр, Асия апа туган көнгә махсус әзерләнеп куйган диярсең!

Гомер бәйрәмең белән котлыйбыз, Асия апа! Сәламәт бул, иҗатта ян, кадерле кешеләреңнең җылысын тоеп, рәхәт итеп яшә! Син барасы һәр тарафта көтсен бәхет дагасы!

 

Сине яратып, чиксез ихтирам белән, «Сөембикә» кызлары

 

 

 

 

 

 

«Сөендерер идем...» дип уйлап йөрү дә әйбәт. Әмма сөендереп әйткән һәр сүз тәрәзәдән очып кергән ак күгәрчен кебек көтелмәгән була бит ул. Бәйрәм яки юбилей белән котлау, хәтта мәхәббәт аңлату, шатлык уртаклашу яки болай гына – җанда җылы булганга күрә генә әйбәт, ягымлы сүз әйтү мөмкинлеге бирә сайтыбыздагы бу тәрәзә.
Сез аның аша җанга якын, кадерле кешеләрегезне сөендерә аласыз. Күңелегездә шундый ниятегез бар икән, моның өчен:
  • Якыныгызны сөендерәчәк сүзләрне язып, редакция адресына юллагыз (котлыйсы кешегезнең исем­фамилиясен төгәл күрсәтергә онытмагыз).
  • Котларга теләгән якын кешегезнең сыйфатлы фотосын да хат белән салсагыз, сайтка котлавыгызны аның рәсеме белән бергә урнаштырырбыз.
  • Хат, фотоны электрон адресыбызга җибәрә аласыз – ssuum@yandex.ru.
  • Элемтәгә керү өчен телефоныгызны күрсәтсәгез бик рәхмәтле булырбыз.

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com