Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСөендерер идем... → Россия мөселманнары Диния нәзарәте рәисе Равил Гайнетдин Корбан бәйрәме белән котлады

Россия мөселманнары Диния нәзарәте рәисе Равил Гайнетдин Корбан бәйрәме белән котлады

01 сентября 2017
568 карау
Россия Федерациясе мөселманнары Диния нәзарәте рәисе, шәех Равил Гайнетдин, Корбан бәйрәме уңаеннан, барча мөселманнарны тәбрикли.

“Бөек бәйрәм – Корбан бәйрәме килеп җитте. Ел саен мөселманнарның изге урыннарга – Мәккәгә һәм Мәдинәгә бару буенча Хаҗ тәмамлана. Аллаһы ярдәме белән, без быел ислам динендә үтәлергә тиешле 5 баганананың берсен – Хаҗ кылуны үтәргә теләгән 23 мең 500 кешене юллауга ирештек. Алар Хаҗ йолаларын кылып, бөек Корбан бәйрәмен каршы алуларына сөенә.

Без – Россия Федерациясе мөселманнары, үз илебезнең гражданнары – үзебезне ислам дөньясының бер өлеше буларак хис итәбез. Без бу көннәрдә тагын бер кат бу бәйрәмнең моноатеистик диннәр өчен, яһүд, христиан һәм ислам дине вәкилләре өчен зур тарихи хәтер булуын искәртәбез. Чөнки безне Ибраһим һәм аның улы Исмәгыйль берләштерә. Аллаһы Тәгалә Ибраһим пәйгамбәрнең үз улын корбан чаларга җыенганын төшенә кертә. Ул улы Исмәгыйльгә “мин төштә сине корбан итәргә җыенганымны күрдем” дип әйтә. Исмәгыйль аңа, әти, Аллаһы кушканны эшлә, ди. Исмәгыйль дә, Ибраһим да моңа әзер булган, әмма Аллаһы Тәгаләгә кан югалту, кеше гомерен өзү кирәкми. Ул Ибраһим кулын улын корбан итмәсен өчен туктатып кала, күктән сарык төшерә. Шулай итеп, бөтен кешелеккә кан түкмәү, кешене үтермәү, кеше гомерен өзмәү боерыла. Бу Аллаһ кулында гына. Шул вакыттан бирле кешеләр Ибраһим, Исмәгыйль тарихын искә төшереп, шушы йоланы үти.

Без, Россия мөселманнары, Мәккәдәге Хаҗга җыелган кешеләр кебек үк, изге гамәлләр кылып, Аллаһыдан курыкканны һәм иманлы булуыбызны күрсәтеп, гөнаһлар ярлыкануына ирешәбез. Хаҗ кылучылар бит гөнаһлары гафу ителүен һәм өйгә яңа туган бала кебек чистарынып, пакъ булып кайтырга тели. Без, өйдә калганнар да, мәчетләргә җыелып, рухи яктан чистарынырга телибез. Изге гамәлләр кылып, гөнаһлар гафу ителүен сорыйбыз.

Мин Аллаһы Тәгаләдән искиткеч матур бәйрәм көннәре бирүен, догалар һәм изге гамәлләребезнең кабул кылынып, гөнаһлар гафу ителүен үтенәм. Тынычлык, татулык иңдерсен Ходай Тәгалә!" – диелә Равил хәзрәт котлавында.

чыганак: http://tatar-inform.tatar/news/2017/08/31/147450/

«Сөендерер идем...» дип уйлап йөрү дә әйбәт. Әмма сөендереп әйткән һәр сүз тәрәзәдән очып кергән ак күгәрчен кебек көтелмәгән була бит ул. Бәйрәм яки юбилей белән котлау, хәтта мәхәббәт аңлату, шатлык уртаклашу яки болай гына – җанда җылы булганга күрә генә әйбәт, ягымлы сүз әйтү мөмкинлеге бирә сайтыбыздагы бу тәрәзә.
Сез аның аша җанга якын, кадерле кешеләрегезне сөендерә аласыз. Күңелегездә шундый ниятегез бар икән, моның өчен:
  • Якыныгызны сөендерәчәк сүзләрне язып, редакция адресына юллагыз (котлыйсы кешегезнең исем­фамилиясен төгәл күрсәтергә онытмагыз).
  • Котларга теләгән якын кешегезнең сыйфатлы фотосын да хат белән салсагыз, сайтка котлавыгызны аның рәсеме белән бергә урнаштырырбыз.
  • Хат, фотоны электрон адресыбызга җибәрә аласыз – ssuum@yandex.ru.
  • Элемтәгә керү өчен телефоныгызны күрсәтсәгез бик рәхмәтле булырбыз.

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com