Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСөендерер идем... → Татарстан Республикасы Президенты Рөстәм Миңнеханов мөрәҗәгате

Татарстан Республикасы Президенты Рөстәм Миңнеханов мөрәҗәгате

09 мая 2017
690 карау
Бөек Ватан сугышында Җиңүнең 72 еллыгы уңаеннан Татарстан Республикасы Президенты Рөстәм Миңнеханов мөрәҗәгате

«Хөрмәтле фронтовиклар һәм тыл хезмәтчәннәре! Кадерле татарстанлылар!

Бөек Җиңүнең 72 еллыгы уңаеннан сезне чын күңелдән тәбрик итәм!
1945 елның 9 маенда илебез башкаласы Мәскәү шәһәре күгендәге бәйрәм салюты кешелек тарихында иң дәһшәтле һәм канкойгыч сугышның тәмамлануы турында хәбәр бирде.

Әлеге җиңүгә күпмилләтле халкыбыз гаять зур югалтулар бәрабәренә иреште.  Яу кырында һәлак булган дистәләрчә миллион сугышчыларыбыз, хәрабә хәленә китерелгән меңнәрчә шәһәр һәм авылларыбыз турындагы ачы хатирәләр әле дә булса йөрәкләребезне әрнетә, нацизм коллыгына, дөнья цивилизациясе казанышлары акылсыз төстә юкка чыгарылуга башка юл куймауны таләп итә.

Илебезгә ябырылган дошман, аның Европадагы иярченнәре бик мәкерле һәм көчле булып, бар куәтен Ватаныбыз өстенә юнәлтсә дә, ул халкыбыз рухын сындыра, тынычлык һәм гаделлек хакына көрәшкә күтәрелгән төрле милләт һәм төрле дин вәкилләренең бердәмлеген какшата алмады.

Мәскәү шәһәрен саклауда, Сталинград янында, Курск дугасында сугышкан, Украина, Белоруссия, Балтыйк буе һәм Европа илләрен азат иткән, Берлинны штурмлаган, Манчжуриядән япон оккупантларын куып чыгарган каһарманнар сафында якташларыбыз һәм ватандашларыбыз да үз-үзен аямыйча көрәште. Фронтка киткән җиде йөз меңнән артык татарстанлыларның яртысы диярлек туган нигезенә кире әйләнеп кайтмады.

Муса Җәлил, Петр Гаврилов, Мәгубә Сыртланова, Михаил Девятаев, Гази Заһитов, Николай Столяров, Гани Сафиуллин, Михаил Симонов, Сабир Әхтәмов, Алексей Исаев һәм башка бик күпләрнең шанлы исеме – безнең чиксез горурлыгыбыз. Йөрәкләрендә дошманга нәфрәт хисе дөрләгән, курку белмәс сугышчыларыбызның, завод станоклары артында, конструкторлык бюроларында җиңү хакына фидакарь хезмәт куйган, фронтны һәм бөтен илне икмәк, кием-салым белән тәэмин иткән тыл хезмәтчәннәренең батырлыгы турында якты истәлек күңелләребездә мәңге сакланыр.

Яшь буын һәм бүгенге Ватан сакчылары өчен хәзер дә ныклык һәм каһарманлык үрнәге булып торучы ветераннар – аларның исәннәре дә, мәңгелеккә күчкәннәре дә – һәммәсе алдында без чиксез бурычлы. Алар бүгенге көндә төрле буын вәкилләре, төрле кешеләр язмышларын бер сафта берләштергән үлемсез полк символына әйләнде. Киләчәктә дә Җиңү байрагы югарыда җилфердәсен, мәһабәт олуглыгы белән горурлык хисләре тудырсын!

Җиңүчеләр буыны вәкилләренә һәм аларның варисларына иминлек, тынычлык, исәнлек-саулык телим! Җиңү Көне котлы булсын, хөрмәтле татарстанлылар.

Татарстан Республикасы Президенты Р.Н. Миңнеханов». 

ТР Президенты Матбугат хезмәте. 

http://president.tatarstan.ru/tat
«Сөендерер идем...» дип уйлап йөрү дә әйбәт. Әмма сөендереп әйткән һәр сүз тәрәзәдән очып кергән ак күгәрчен кебек көтелмәгән була бит ул. Бәйрәм яки юбилей белән котлау, хәтта мәхәббәт аңлату, шатлык уртаклашу яки болай гына – җанда җылы булганга күрә генә әйбәт, ягымлы сүз әйтү мөмкинлеге бирә сайтыбыздагы бу тәрәзә.
Сез аның аша җанга якын, кадерле кешеләрегезне сөендерә аласыз. Күңелегездә шундый ниятегез бар икән, моның өчен:
  • Якыныгызны сөендерәчәк сүзләрне язып, редакция адресына юллагыз (котлыйсы кешегезнең исем­фамилиясен төгәл күрсәтергә онытмагыз).
  • Котларга теләгән якын кешегезнең сыйфатлы фотосын да хат белән салсагыз, сайтка котлавыгызны аның рәсеме белән бергә урнаштырырбыз.
  • Хат, фотоны электрон адресыбызга җибәрә аласыз – ssuum@yandex.ru.
  • Элемтәгә керү өчен телефоныгызны күрсәтсәгез бик рәхмәтле булырбыз.

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com