Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСөендерер идем... → ​Әлфия Сибгатуллинаны юбилее белән котлыйбыз!

​Әлфия Сибгатуллинаны юбилее белән котлыйбыз!

05 мая 2017
563 карау


Чүпрәле районы Кече Чынлы авылында туып-үсеп, хәзерге вакытта Казанда гомер итүче туганыбыз Сибгатуллина Әлфия Фаикъ кызы бүген үзенең гомер бәйрәмен – туган көнен – юбилеен бәйрәм итә. 

Һәр кешенең язмышы туганда ук язылып куелган диләр. Авырмы ул, җиңелме, аңа әлеге гомер дигән әйләнмәле-тулганмалы сукмакны үтәсе, кат-кат уралган язмыш йомгагын да үзенә сүтәсе. 

Әлфия, шөкер, син үзеңә язылган гомер сукмагын башкаларга да үрнәк булырлык итеп үтә белдең. Кечкенәдән үк хыялланган табиб һөнәре буенча югары белем алып, шифалы кулың белән дә, җанга дәва булырлык йомшак телең белән дә кешеләргә сәламәтлек бүләк иттең. Хәзер дә озак еллар хезмәт иткән коллективыңда – Республика клиник дәваханәсендә хезмәт куясың. 

Көчле рухын, үҗәтлегең, кече күңеллегең, ярдәмчеллегең һәм кешеләргә булган мәхәббәтең, уңганлыгын сиңа тормышта да, хезмәтеңдә дә бары тик канатлар гына куйгандыр. Син тормышта да 90 яшь чигең узып бакыйлыкка күчкән газиз әниебезгә шифа бирүче ныклы терәге булдың, хәзер дә туганнарыңның хөрмәтле сеңлесе һәм апасы, дусларыңның чын таянырлык дусты син. 
Алга таба да һәр туар таңга сөенеп, бүгенге тормышка шөкерана кылып, исәнлектә-саулыкта, бәхет-сәгадәткә тиенеп яшәргә Ходай Тәгалә насыйп итсә иде. 

Әле тагын бик күп еллар сихри ак кышларны, алтын мул көзләрне, чәчкәле-җиләкле матур җәйләрне, туган көнле язларыңны бергәләшеп каршыларга Ходай Тәгалә насыйп итсә иде. 

Сөйкемле карашың кояшка тиң – 
Бар тормышны нурга күмәсең. 
Бу дөньяның барлык хикмәтләрен 
Бары тик син генә беләсен. 
Тормышта гел ярдәм итеп тора 
Зирәк кинәшләрен, җылы сүзең; 
Иркәлисен, яратасын, юатасын, 
Тынлыйсың да, анлыйсың да үзең. 
Сәламәтлек, озын гомер язсын, 
Гел көләч һәм яшь бул хәзергечә! 
Күңелең синең күтәренке булсын, 
Сөенеп һәм сөендереп мең-мең яшә! 





Сине яратып – апаң Гөлсинә һәм Гөлнур, энең Илгиз, җизниләрең Җәмил һәм Мидхәт, киленебез Римма. Шушы матур теләкләргә син якын итеп үстергән балалар Айрат, Азат, Альбина, Илһам гаиләсе һәм оныклар Булат, Адилә, Алинә, Ильяс, Наилә, Дания, Хәким, Камилә, Гадел, сине хөрмәт итүче күпсанлы туганнар да кушыла.
 
«Сөендерер идем...» дип уйлап йөрү дә әйбәт. Әмма сөендереп әйткән һәр сүз тәрәзәдән очып кергән ак күгәрчен кебек көтелмәгән була бит ул. Бәйрәм яки юбилей белән котлау, хәтта мәхәббәт аңлату, шатлык уртаклашу яки болай гына – җанда җылы булганга күрә генә әйбәт, ягымлы сүз әйтү мөмкинлеге бирә сайтыбыздагы бу тәрәзә.
Сез аның аша җанга якын, кадерле кешеләрегезне сөендерә аласыз. Күңелегездә шундый ниятегез бар икән, моның өчен:
  • Якыныгызны сөендерәчәк сүзләрне язып, редакция адресына юллагыз (котлыйсы кешегезнең исем­фамилиясен төгәл күрсәтергә онытмагыз).
  • Котларга теләгән якын кешегезнең сыйфатлы фотосын да хат белән салсагыз, сайтка котлавыгызны аның рәсеме белән бергә урнаштырырбыз.
  • Хат, фотоны электрон адресыбызга җибәрә аласыз – ssuum@yandex.ru.
  • Элемтәгә керү өчен телефоныгызны күрсәтсәгез бик рәхмәтле булырбыз.

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Матбугат чаралары белән элемтәләр урнаштыру булеге белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com