Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСөендерер идем... → Фәрит Мөхәммәтшин Туган тел көне белән котлады

Фәрит Мөхәммәтшин Туган тел көне белән котлады

26 апреля 2017
528 карау
“Хөрмәтле ватандашлар! Республикабызда ел саен 26 апрельдә Туган тел көне билгеләп үтелә. Шушы истәлекле көн белән барыгызны да котлыйм. Бу дата – күпмилләтле Татарстан халкының республикабызда яшәүче халыклар телләренә – гаҗәеп бай рухи хәзинәгә, алыштыргысыз мәдәни мираска хөрмәт билгесе”, - дип башланып китә ТР Дәүләт Советы сайтында урнаштырылган котлау юлламасы.

“Бүген Татарстанда 170тән артык милләт вәкиле яши. Мондый төрлелек республикабызга кабатланмас этник бизәк өсти. XXI гасырда педагогикага нигез салган Константин Ушинский “тел ул – халыкның үткән, хәзерге һәм киләчәк буыннарын бер бөек, тарихи бөтен итә торган иң тере, иң бай һәм иң нык бәйләнеше” дип санаган. Тел халыкның яшәеш юнәлешләрен генә чагылдырып калмыйча, асылда, теләсә кайсы милләтнең нигезен тәшкил итә. Туган тел – бәяләп бетергесез белем чыганагы, тутыкмас рухи мирас һәм хәтер сакчысы. Туган телне саклап калу, глобализация чорында милләтнең рухи бөтенлеген югалтмау, һәр халыкның этник һәм лингвистик үзенчәлекләрен саклау – гадәттән тыш җаваплы бурыч”, - дип билгеләп үтә Фәрит Мөхәммәтшин котлау текстында.

Дәүләт Советы рәисе, ватандашларына мөрәҗәгать итеп, Ватанга мәхәббәт, борынгы бабаларыбызның мәдәнияте белән тыгыз элемтә, хезмәт сөючәнлек, намус һәм мәрхәмәт - әлеге рухи кыйммәтләрнең милләтнең үзаңын һәм әхлагын тәшкил итүен җиткерә.

“Без һәрвакыт шуны истә тотабыз: милләтара тынычлыкны һәм татулыкны ныгытуга илтә торган төп ачкыч – толерантлык һәм башка үзенчәлекле мәдәниятләргә карата хөрмәт. Берничә көн элек кенә Татарстан халыкларының III съезды үз эшен төгәлләде. Анда делегатлар республикада булган сәяси-хокукый шартларны һәм барлык этник җәмгыять вәкилләренең милли-мәдәни үсешен гарантияли торган институтларны алга таба да камилләштерү, Татарстан Республикасы халыклары һәм конфессияләре арасында үзара ышаныч һәм хөрмәт мохитен саклау зарурлыгына гомуми омтылышларын расладылар”, - диелә котлау юлламасында.

“Бүген сезне, Туган тел көне белән котлап, барыгызга да нык сәламәтлек һәм иминлек телим. Республикабызның һәр кешесе өчен бу көн Дуслык һәм Туганлык бәйрәме булсын! “, - дип тәмамлана Дәүләт Советы рәисенең бәйрәм котлавы.

http://tatar-inform.tatar
«Сөендерер идем...» дип уйлап йөрү дә әйбәт. Әмма сөендереп әйткән һәр сүз тәрәзәдән очып кергән ак күгәрчен кебек көтелмәгән була бит ул. Бәйрәм яки юбилей белән котлау, хәтта мәхәббәт аңлату, шатлык уртаклашу яки болай гына – җанда җылы булганга күрә генә әйбәт, ягымлы сүз әйтү мөмкинлеге бирә сайтыбыздагы бу тәрәзә.
Сез аның аша җанга якын, кадерле кешеләрегезне сөендерә аласыз. Күңелегездә шундый ниятегез бар икән, моның өчен:
  • Якыныгызны сөендерәчәк сүзләрне язып, редакция адресына юллагыз (котлыйсы кешегезнең исем­фамилиясен төгәл күрсәтергә онытмагыз).
  • Котларга теләгән якын кешегезнең сыйфатлы фотосын да хат белән салсагыз, сайтка котлавыгызны аның рәсеме белән бергә урнаштырырбыз.
  • Хат, фотоны электрон адресыбызга җибәрә аласыз – ssuum@yandex.ru.
  • Элемтәгә керү өчен телефоныгызны күрсәтсәгез бик рәхмәтле булырбыз.

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com