Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСөендерер идем... → Туган көнегез – матур юбилеегыз белән ихластан котлыйбыз, хөрмәтле Минтимер Шәрипович!

Туган көнегез – матур юбилеегыз белән ихластан котлыйбыз, хөрмәтле Минтимер Шәрипович!

20 января 2017
961 карау
Туган көнегез – матур юбилеегыз белән ихластан котлыйбыз, хөрмәтле Минтимер Шәрипович! Исәнлек-саулык телибез Сезгә! 

Зирәк акылыгызга, акыллы дипломатиягезгә, илкүләм, дөньякүләм әһәмиятле эшләр башкара алу сәләтегезгә, «Без булдырабыз!» дип канатландыра белүегезгә һәм һәрчак җиңеп чыгуыгызга, магнит кебек үзегезгә тарта алуыгызга, тәвәккәллек, кайгыртучанлык, кешелеклелек, гадилек, әйткән сүздә тора белү, тагын бик күп, бик күп асыл сыйфатларыгызга, Сезнең харизмага сокланабыз. Яратабыз Сезне!



Кайларга гына барсак та – ерак илләр, чит дәүләтләрме ул, күрше республикалармы, үзебезнең авылларыбызмы – Сезнең турыда җылы сүзләр ишетү рәхәт безгә! Күңел әйтеп бетергесез горурлык хисләре белән тула: «Безнең Шәймиев бит ул!» «Үзебезнең Минтимер Шәрипович!» – дип кабатлыйсы килә... Бераз мактанып куясы килә...



 «Сөембикә» журналы редакциясенә килгән көнегезне ничек кенә хәтерлибез әле! Сез ул көнне эчкерсез сөйләшүләрегез, һәр сорауны игътибар биреп тыңлавыгыз, ярдәм итәргә тырышуларыгыз, шаян сүзләрегез, үз итеп дәшүләрегез белән безнең күңелләрне яуладыгыз, бөтен матбугат йортына, журналистларга бәйрәм ясадыгыз. Һәркайсыбызның күңел түрендә Беренче Президентыбыз турында матур истәлекләр яңара... Котлауларыбызга шул җылылык, шул яктылык та сыйган!

Юбилеегызны журналыбызда да матур итеп, үзегезнең зурлыгыгызга лаек итеп яктыртасыбыз килде. Күп меңләгән укучыларыбыз «Сөембикә»нең яңа саныннан Сезнең турыда укып сөенер.



Ә бүген – иң матур теләкләребезне юллыйбыз Сезгә, Минтимер Шәрипович! Мең мәшәкатьләр белән тулы тормышыгызга илһам, бетмәс энергия, яңа үрләр, яңа җиңүләр телибез!       


 
«Сөендерер идем...» дип уйлап йөрү дә әйбәт. Әмма сөендереп әйткән һәр сүз тәрәзәдән очып кергән ак күгәрчен кебек көтелмәгән була бит ул. Бәйрәм яки юбилей белән котлау, хәтта мәхәббәт аңлату, шатлык уртаклашу яки болай гына – җанда җылы булганга күрә генә әйбәт, ягымлы сүз әйтү мөмкинлеге бирә сайтыбыздагы бу тәрәзә.
Сез аның аша җанга якын, кадерле кешеләрегезне сөендерә аласыз. Күңелегездә шундый ниятегез бар икән, моның өчен:
  • Якыныгызны сөендерәчәк сүзләрне язып, редакция адресына юллагыз (котлыйсы кешегезнең исем­фамилиясен төгәл күрсәтергә онытмагыз).
  • Котларга теләгән якын кешегезнең сыйфатлы фотосын да хат белән салсагыз, сайтка котлавыгызны аның рәсеме белән бергә урнаштырырбыз.
  • Хат, фотоны электрон адресыбызга җибәрә аласыз – ssuum@yandex.ru.
  • Элемтәгә керү өчен телефоныгызны күрсәтсәгез бик рәхмәтле булырбыз.

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com