Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСөендерер идем... → Фиразия ШӘЙМАРДАНОВАны котлыйбыз!

Фиразия ШӘЙМАРДАНОВАны котлыйбыз!

Эльвира ГӘРӘЕВА, Мөслим.
Эльвира ГӘРӘЕВА, Мөслим.
03 января 2017
842 карау

Фиразия ШӘЙМАРДАНОВАны туган көне белән котлыйбыз!


Синең җаның тыныч, йокыларың борчусыз булсын өчен кайгыртучы кеше кем ул? Табиблар дияр кайберәүләр, ләкин мин моның белән килешмим. Ник дисезме? Чөнки әлеге сорауга дөрес җавап: ул иминиятләштерү компанияләрендә хезмәт куючылар. Һәм әлеге кешеләрнең синең турында кайгыртуын башына килгән бәладән соң гына аңлый күпләр. Ләкин бүген сүз аның турында түгел. Район үзәгендә эшләп килүче «Наско» иминиятләштерү компаниясе офис менеджеры Фиразия Шәймарданова белән сезне якыннанрак таныштырасым килә.

Моннан 55 ел элек Торыш авылында матур гомер кичерүче Фәйзелгыйлем һәм Хурлыҗиһан гаиләсендә Яңа елга зур бүләк – нәни кызчык дөньяга дөньяга тәүге авазын сала. Колхозчы гаиләсендә үскән әлеге кыз кечкенәдән кызыксынучан, шаян-шуклыгы белән аерыла. Апасына ярдәмче, энесе һәм сеңлесенә терәк кенә түгел, үрнәк булырга тырыша: үзлектән укырга өйрәнә. Өйдә булган китап-гәҗитләрне энәсеннән җебенә кадәр җентекләп укып бетергәч, Фиразия авыл китапханәсенә юл тота. Ләкин китапханәче әле мәктәпкә дә кермәгән сабыйга ышаныч белдерми, кире борып чыгара. Үз дигәненә ирешергә яратучы әлеге кыз мәсьәләнең чишелешен бик тиз таба: күршедә яши торган укытучы ападан: «Ул чыннан да укый белә, аңа китап бирегез», – дигән записка алып барып биреп, китапханә белән дуслык җебен ныгыта. Мәктәпне бик яхшы билгеләренә тәмамлагач, югары белем алыр өчен башкалага юл тота. Физика-математика факультетын тәмамлап, хезмәт юлын Ташлыяр авылы мәктәбендә башлап җибәрә. Ачык йөзле, аралашучан булгангамы, өеннән беркайчан кеше өзелми. Һәрдаим яңалыкка омтылучан, һәр нәрсәне үзендә сынап карап иң яхшы сыйфатларны гына туплаган ул гүя үзендә. Әти-әнисе кушкан исеме мәгънәсенә тап төшерми, гел биеклектә, күпләргә өлге булып яши бирә.

Төгәллеге, үз эшен тырышып башкаруы белән күпләрдән аерылып тора. Язмышның бер генә сынавына да бирешми ул. Кайчан, кем генә килеп керсә дә, елмаюлы йөз, ачык күңел белән каршы ала. Аш-су, энә-җеп дисеңме – кулы да бар эшкә ята. Якыннарына гына түгел, ярдәм сорап кергән һәр кешегә булдыра алганча булышырга тырыша ул.

Ноябрь аенда «Наско» иминият компаниясенең 20 еллыгы уңаеннан үткәрелгән чарада Мөслим муниципаль районы башлыгының Мактау грамотасы белән бүләкләнгән әлеге ханым 3 гыйнвар көнне 55 яшьлек гомер бәйрәмен каршылый. Әле тагын күп еллар коллективыңның йөзек кашы булып райондашларга игелекле хезмәт куярга насыйп булса иде сиңа. Якыннарыңа кирәк булып, күңел тынычлыгы белән яшә! Ходай сәламәтлектән аермасын берүк!
«Сөендерер идем...» дип уйлап йөрү дә әйбәт. Әмма сөендереп әйткән һәр сүз тәрәзәдән очып кергән ак күгәрчен кебек көтелмәгән була бит ул. Бәйрәм яки юбилей белән котлау, хәтта мәхәббәт аңлату, шатлык уртаклашу яки болай гына – җанда җылы булганга күрә генә әйбәт, ягымлы сүз әйтү мөмкинлеге бирә сайтыбыздагы бу тәрәзә.
Сез аның аша җанга якын, кадерле кешеләрегезне сөендерә аласыз. Күңелегездә шундый ниятегез бар икән, моның өчен:
  • Якыныгызны сөендерәчәк сүзләрне язып, редакция адресына юллагыз (котлыйсы кешегезнең исем­фамилиясен төгәл күрсәтергә онытмагыз).
  • Котларга теләгән якын кешегезнең сыйфатлы фотосын да хат белән салсагыз, сайтка котлавыгызны аның рәсеме белән бергә урнаштырырбыз.
  • Хат, фотоны электрон адресыбызга җибәрә аласыз – ssuum@yandex.ru.
  • Элемтәгә керү өчен телефоныгызны күрсәтсәгез бик рәхмәтле булырбыз.

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com