Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСөендерер идем... → Юбилеең белән котлыйбыз, Фирдәвес!

Юбилеең белән котлыйбыз, Фирдәвес!

02 января 2017
736 карау

Журнал кулга эләгүгә, тизрәк битләрен актаралар, таныш журналистларның исемнәрен эзли башлыйлар, укыйлар, мактап алалар – гадәти күренеш. Ә арадан беребезнең эше менә тыйнак кына «пәрдә артында» кала. Анысын үзебез генә беләбез, үзебез генә күрәбез. Һәр бит, һәр җөмлә, һәр сүз, аның күз нурлары аша үтә дә, «висящий строкаларсыз», «чыктым аркылы күперләрсез», аңлаешсыз гыйбарәләрсез генә журналга «конфет» булып керә дә утыра. Бу эшне «Сөембикә» журналының корректоры, Татарстанның атказанган матбугат һәм коммуникацияләр хезмәткәре Фирдәвес Исмәгыйлева башкара. Әллә нинди катлаулы юллар үтеп, язмаларның журналга әверелү процессын башыннан ахырынача җиткерүче инженер кебек ул.

Без үзебез дә журналның өр-яңа санын вакытны ашыктырып, кыбырсып көтә башлыйбыз. Фирдәвеснең сигнальный саннарны цехтан алып менгән көн бәйрәм кебек – редакциядәге иң рәхәт мизгелләр! Менә ул балкып, безне типография исен затлы хушбуй исе итеп тоярлык дәрәҗәгә җиткереп, буявы әле кибәргә дә өлгермәгән журналлар белән сөендерә. Чын дөресе – Фирдәвес үзе дә тылсымчыга тиң ул! Редакция белән типография арасында вәкаләтле илче булып, кичә тапшырган журналны могҗиза рәвешендә икенче көнгә бастыртыртып алу кадәресен дә бары Фирдәвес кенә башкара ала! Дипломатиясе дә, үҗәтлеге дә, тәмле теле дә, җайлап сөйләшә белүе дә бергә кушыла! Менә шундый булган ул!

Фирдәвеснең эштәге гөлләре кышын да шау чәчәктә утыра. Ул яздан карлы көзгәчә редакциягә бакчасыннан сиреньнәр, нәркис-лаләләр, пион-кашкарыйлар ташый. Ул пешергән өчпочмак-гөбәдияләрнең тәме!.. Юк, аны авыз итеп карарга кирәк!


 

Ул – «скорая помощь»: кемгә нинди ярдәм кирәк, кемгә нинди дәва – Фирдәвес йөгерә-чаба, эзли-таба – булыша!

... Яңа елда барыбызга да беренче смс котлауны, әлбәттә, Фирдәвес юллаячак. Без инде моңа күнеккән. Бу юлы менә үзебез котлыйк әле юбилярны!

Сәламәтлек, күңелле мәшәкатьләр, шатлыклар гел янәшә булсын! Һәрвакыт шулай позитив, уңай энергетикалы, яшь булып кал! Яраткан эшең тормышыңа ямь өстәсен!

Бәхетле бул, Фирдәвес!


 

«Сөендерер идем...» дип уйлап йөрү дә әйбәт. Әмма сөендереп әйткән һәр сүз тәрәзәдән очып кергән ак күгәрчен кебек көтелмәгән була бит ул. Бәйрәм яки юбилей белән котлау, хәтта мәхәббәт аңлату, шатлык уртаклашу яки болай гына – җанда җылы булганга күрә генә әйбәт, ягымлы сүз әйтү мөмкинлеге бирә сайтыбыздагы бу тәрәзә.
Сез аның аша җанга якын, кадерле кешеләрегезне сөендерә аласыз. Күңелегездә шундый ниятегез бар икән, моның өчен:
  • Якыныгызны сөендерәчәк сүзләрне язып, редакция адресына юллагыз (котлыйсы кешегезнең исем­фамилиясен төгәл күрсәтергә онытмагыз).
  • Котларга теләгән якын кешегезнең сыйфатлы фотосын да хат белән салсагыз, сайтка котлавыгызны аның рәсеме белән бергә урнаштырырбыз.
  • Хат, фотоны электрон адресыбызга җибәрә аласыз – ssuum@yandex.ru.
  • Элемтәгә керү өчен телефоныгызны күрсәтсәгез бик рәхмәтле булырбыз.

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Матбугат чаралары белән элемтәләр урнаштыру булеге белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com