Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСөендерер идем... → Лариса МАЛИКОВАНЫ туган көне белән котлыйбыз!

Лариса МАЛИКОВАНЫ туган көне белән котлыйбыз!

28 сентября 2016
949 карау
Безнең «Сөембикә» – укучыларыбызга Лариса Маликова күргән төс-сурәтләр, ул кабул иткән яшәү ритмы һәм динамикасы, аның эмоцияләре, ул күзаллаган хатын-кызлар кәефе аша барып җитә дисәк, һич арттыру булмас. Журналның алыштыргысыз җаваплы секретаре ла ул! 

Яңалыклары, көтелмәгән чишелешләре, беркемнекенә охшамаган идеяләре Ларисаның үҗәт, егетләрчә тәвәккәл «югары математика»сына (ул университетның ВМКсын тәмамлаган!) кагылып үтә дә, лирик чигенешләр ясап, хисле, эмоциональ хатын-кыз кичерешләре аша (Камилә белән Кәримәнең әнисе, Азаматның яраткан хатыны, әнисенең яраткан кызы, апа кеше, килен кеше, кодагый...) нәфисләнеп, нәзберекләнеп, журнал битләренә кереп утыра. Күз яшьләре аша көлүе дә, мең кайгырып мең сөенүе дә, таләпчәнлек катыш йомшаклыгы да – тыгысыз холкыннан, ихлас күңеленнән, балаларча самимилегеннән… Ул – Бизмән йолдызыбыз. Һәр якны тигезли. Берәүне дә күләгәдә калдырмый. Күрә, үстерә белә. Көне буе күктә очып йөрер өчен Ларисаның бер сүзе җитә... 

Ә бүген матур, җылы, ихлас сүзләребезне Ларисаның үзенә сайлыйбыз. Аның Туган көне! Ярый әле син бар «Сөембикә»дә, Лариса! Котлыйбыз! Сокланабыз! Яратабыз! Аңларга тырышабыз! Син – супер!
«Сөендерер идем...» дип уйлап йөрү дә әйбәт. Әмма сөендереп әйткән һәр сүз тәрәзәдән очып кергән ак күгәрчен кебек көтелмәгән була бит ул. Бәйрәм яки юбилей белән котлау, хәтта мәхәббәт аңлату, шатлык уртаклашу яки болай гына – җанда җылы булганга күрә генә әйбәт, ягымлы сүз әйтү мөмкинлеге бирә сайтыбыздагы бу тәрәзә.
Сез аның аша җанга якын, кадерле кешеләрегезне сөендерә аласыз. Күңелегездә шундый ниятегез бар икән, моның өчен:
  • Якыныгызны сөендерәчәк сүзләрне язып, редакция адресына юллагыз (котлыйсы кешегезнең исем­фамилиясен төгәл күрсәтергә онытмагыз).
  • Котларга теләгән якын кешегезнең сыйфатлы фотосын да хат белән салсагыз, сайтка котлавыгызны аның рәсеме белән бергә урнаштырырбыз.
  • Хат, фотоны электрон адресыбызга җибәрә аласыз – ssuum@yandex.ru.
  • Элемтәгә керү өчен телефоныгызны күрсәтсәгез бик рәхмәтле булырбыз.

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com