Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСөендерер идем... → Халыкара хатын-кызлар көне белән!

Халыкара хатын-кызлар көне белән!

08 марта 2016, 08:08
1040 карау
Татарстан Республикасы Президенты Рөстәм Нургали улы Миңнеханов, 8 Март – Халыкара хатын-кызлар көне уңаеннан, мөрәҗәгать итә.

“Кадерле хатын-кызлар!

Сезне чын күңелдән 8 Март – Халыкара хатын-кызлар көне белән котлыйм.

Әлеге бәйрәмне билгеләп үтү күптән күркәм традициягә әйләнде һәм, мәхәббәт, матурлык тантанасы булып, безнең күп милләтле халкыбыз тормышында ныклы урын алды. Балачактан ук 8 Март йөрәкләрдә якты хатирәләр калдырган. Үсмер чакта бу бәйрәмдә әниләрне һәм дәү әниләрне, өлкәнәя төшкәч, әле тагын сөеклеләребезне, ә, олыгайгач, кадерле кызларыбызны һәм оныкларыбызны тәбриклибез.

Бик күп мәшһүр шагыйрьләр, язучылар, композиторлар, рәссамнар ханым-туташларга мәхәббәтен аңлатып, кабатланмас әсәрләр иҗат иткән. Быел без 130 еллык юбилеен билгеләп үтәчәк бөек әдибебез Тукай да әлеге садә хис турында шагыйранә итеп:
«Һич хуҗалыкны кабул итмәм бөтен дөньяга мин,
Булмага мөмкин икән гыйшык, мәхәббәт ялчысы», – дип язган.

Халыкара хатын-кызлар көне, милләтенә, диненә, җәмгыятьтә нинди урын тотуына карамастан, барлык кешеләрне берләштерә. Чөнки ул нәфис затларга хөрмәт тәрбияли, Ана булуның һәм традицион гаилә мөнәсәбәтләренең мәңгелек әһәмиятенә игътибарны көчәйтеп, гомумкешелек кыйммәтләренә мәдхия җырлый.

Хатын-кызлар җәмгыять тормышында зур роль уйнаган Татарстанда аларның үз мөмкинлекләрен, көч-сәләтләрен файдаланып, шәхес буларак үсеше өчен кирәкле барлык шартлар тудырыла. Таланты, яшәү дәрте, активлыгы нәтиҗәсендә, гүзәл затларның мәгариф, мәдәният, фән, бизнес һәм дәүләт идарәсе өлкәсендә ирешкән уңышлары сокландыра. Җитештерүдә, авыл хуҗалыгында эшләүче хатын-кызларга республикабызның үсеш-алгарышына бәяләп бетергесез өлеш кертүләре өчен тирән ихтирам белдерәбез.

Хатын-кыз ветераннарыбыз аеруча олылауга, кадерләүгә лаек. Алар, ирләр белән беррәттән, Бөек Ватан сугышының барлык авырлыкларын кичте, хәрабә хәлендәге илне күтәрүдә тырыш хезмәт куйды. Чиксез зур рәхмәт сезгә!

Мөхтәрәм хатын-кызлар, ышанычлы адымнар белән, горур рәвештә, нәзакәтлелек һәм сөйкемлелек кебек сыйфатларыгызны җуймыйча, тормыш юлыннан армый-талмый баруыгызны, туганнарыгыз һәм якыннарыгызга ярату, наз, күңел җылысы биреп, бәхетле яшәвегезне телим! Дөньялар тыныч, имин булсын!

Татарстан Республикасы Президенты Р.Н. Миңнеханов”.

сылтама: http://tatar-inform.ru

«Сөендерер идем...» дип уйлап йөрү дә әйбәт. Әмма сөендереп әйткән һәр сүз тәрәзәдән очып кергән ак күгәрчен кебек көтелмәгән була бит ул. Бәйрәм яки юбилей белән котлау, хәтта мәхәббәт аңлату, шатлык уртаклашу яки болай гына – җанда җылы булганга күрә генә әйбәт, ягымлы сүз әйтү мөмкинлеге бирә сайтыбыздагы бу тәрәзә.
Сез аның аша җанга якын, кадерле кешеләрегезне сөендерә аласыз. Күңелегездә шундый ниятегез бар икән, моның өчен:
  • Якыныгызны сөендерәчәк сүзләрне язып, редакция адресына юллагыз (котлыйсы кешегезнең исем­фамилиясен төгәл күрсәтергә онытмагыз).
  • Котларга теләгән якын кешегезнең сыйфатлы фотосын да хат белән салсагыз, сайтка котлавыгызны аның рәсеме белән бергә урнаштырырбыз.
  • Хат, фотоны электрон адресыбызга җибәрә аласыз – ssuum@yandex.ru.
  • Элемтәгә керү өчен телефоныгызны күрсәтсәгез бик рәхмәтле булырбыз.

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Матбугат чаралары белән элемтәләр урнаштыру булеге белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com