Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСөендерер идем... → Президентыбызның ЯҢА ЕЛ МӨРӘҖӘГАТЕ

Президентыбызның ЯҢА ЕЛ МӨРӘҖӘГАТЕ

01 января 2016
1169 карау

Хөрмәтле татарстанлылар!
Өйләребезгә яраткан Яңа ел бәйрәме керә. Гадәттәгечә, без аңа нәтиҗә ясыйбыз һәм киләчәккә күз салабыз.
Үтеп баручы ел зур вакыйгалары һәм казанышлары белән истә калыр.
Илебез белән бергә барыбыз өчен әхлакый ориентир булып калучы Бөек Җиңүнең 70 еллыгын билгеләп үттек.
Республика Президентын һәм муниципаль депутатларны сайлаулар нәтиҗәләре җәмгыять бердәмлегенең югары дәрәҗәдә булуын күрсәтте.
Республикабызның динамикалы үсеше, су спорт төрләре буенча дөнья чемпионатын һәм башка халыкара форумнарны уңышлы уздыру безгә 2019нчы елда эшче һөнәрләр буенча Дөнья беренчелеген үткәрү хокукына ирешүдә булышты.
Татарстан инновация активлыгы һәм инвестицион җәлеп итүчәнлеге буенча Россия Федерациясендә алдынгы төбәк. Киләчәк шәһәре Иннополисның тәүге объектлары сафка басты, нефтехимиядә һәм машина төзелешендә яңа производстволар эшли башлады, яңа эш урыннары булдырылды. Авыл хуҗалыгы һәм эшмәкәрлек актив үсеш күрсәтә.
Социаль сәясәтебезнең уңышлы булуын халык санының тотрыклы рәвештә үсүе дәлилли. Үтеп баручы елда 55 меңнән артык гаилә ата-ана булу бәхетен татыды.
Республикабыз яшәү өчен тагын да уңайлы, туристлар өчен кызыклы була бара.
Болар барысы да безнең уртак хезмәтебез нәтиҗәсе. Мин барлык татарстанлыларга чын күңелдән рәхмәтлемен.
Милләтара һәм динара тынычлык һәм татулык – безнең алыштыргысыз рухи кыйблабыз.
Казан Мәрьям Ана иконасы соборын торгызу, Болгар ислам академиясен булдыру рухи үсешкә, тарихи гаделлеккә омтылуыбызны дәлилли.
Алдагы буыннар казанышларына һәм замана тенденцияләренә таянып без 2030нчы елга кадәр социаль-икътисади үсеш Стратегиясен кабул иттек. Ул үзәккә кеше капиталын куя.
Әлеге максат белән без югары технологияле медицинаны һәм мәгарифне үстерү, торак һәм социаль-мәдәният өлкәсе объектларын төзү, яшәү мохитен камилләштерү һәм уңайлы җәмгыять урыннарын булдыру өстендә эшләүне дәвам итәчәкбез. Моңа Парклар һәм скверлар елы программалары юнәлтелгән. Киләсе елда аларга су саклау зоналары программалары да кушылачак.
Барлык башлангычларда без җәмгыятькә таянабыз. Булачак уңышларыбызның нигезе дә аңарда дип ышанам.

Кадерле дуслар!
Дөньяда булган вакыйгаларны күреп торабыз. Шуңа күрә безгә бүген бергә булу, гаиләләребездә мәхәббәт учагын саклау аеруча мөһим.
Чын күңелдән сезгә нык исәнлек, киләчәккә ышаныч, аяз күк йөзе, бәхет һәм иминлек телим.

Бәйрәм белән! Яңа 2016нчы ел белән!

«Сөендерер идем...» дип уйлап йөрү дә әйбәт. Әмма сөендереп әйткән һәр сүз тәрәзәдән очып кергән ак күгәрчен кебек көтелмәгән була бит ул. Бәйрәм яки юбилей белән котлау, хәтта мәхәббәт аңлату, шатлык уртаклашу яки болай гына – җанда җылы булганга күрә генә әйбәт, ягымлы сүз әйтү мөмкинлеге бирә сайтыбыздагы бу тәрәзә.
Сез аның аша җанга якын, кадерле кешеләрегезне сөендерә аласыз. Күңелегездә шундый ниятегез бар икән, моның өчен:
  • Якыныгызны сөендерәчәк сүзләрне язып, редакция адресына юллагыз (котлыйсы кешегезнең исем­фамилиясен төгәл күрсәтергә онытмагыз).
  • Котларга теләгән якын кешегезнең сыйфатлы фотосын да хат белән салсагыз, сайтка котлавыгызны аның рәсеме белән бергә урнаштырырбыз.
  • Хат, фотоны электрон адресыбызга җибәрә аласыз – ssuum@yandex.ru.
  • Элемтәгә керү өчен телефоныгызны күрсәтсәгез бик рәхмәтле булырбыз.

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com