Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСөендерер идем... → 30 ноябрь – Әниләр көне

30 ноябрь – Әниләр көне

24 ноября 2014
1841 карау
Эш-мәшәкатьләр белән язлар, җәйләр үтә, көзләр җитә. Инде ноябрь. Ноябрьнең соңгы якшәмбесе - Әниләр көне.
Үзләре исән чакта, кадерләп калыйк. Хәлләрен белик. Сүзләрен тыңлыйк. Күчтәнәчләр алыйк. Яннарына барыйк, ешрак кайтыйк.
Соңара күрмик берүк...

Күп кирәкми сиңа, күп кирәкми:
«Алло, исән, үзең ни хәлдә?»
«Ашым пеште, кереп чыксаң иде, 
Мәтрүшкәле чәем – өстәлдә...»

«Бүген булмас, бүген өлгермимен –  
Вакытымны саныйм минутлап...»
Гомереңнең миңа һәр мизгелен 
Биргәнеңне нишләп онытам?
 
Шалтырата әни, шалтырата...
«Әйе, кайттым, әйе, ашадым.
Өшемәдем димен, аптыратма,
Эшләремнән яңа бушадым.

Күптән чыктым инде балалыктан,
Борчылудан кайчан туктарсың?!» 
Җавабың бер булды һәрвакытта:  
«Үзең әни булгач аңларсың».

«Аңладыңмы?» диеп сорамыйсың –
«Бәләкәчем нишли, йолдызым?»
Йөрәгеңне ярып салдың да син,
Аңа бирдең шундук яртысын...

«Алло! Алло! Исән-саулармы сез?»
«Шул арада безгә ни булсын?!»
«Дөньялары бигрәк тә хәерсез,
Мин борчылмый, кемнәр борчылсын?!»

«Бар да әйбәт, бар да әйбәт безнең!
Ятып йоклар идең, инде соң...»
«Исән генә, матур гына үссен,
Күрсәтмәсен бала кайгысын...»

Күрсәтмәсен – сиңа инде җиткән.    
Әйтми калдым иң-иң кирәген:
Беләм хәзер, күпкә түзгән икән,
Шуңа тузган икән йөрәгең.

...Шалтыратам – һәр иртәсен, кичен,
Алсын гына әни трубкасын.
Шалтыратам – «әйбәт» дияр өчен.
Рәхмәтемне әйттем микән соң?

...Күп кирәкми миңа. Күп кирәкми.
«Кызым, нихәл? Кайчан кайтасың?
Аптыратам әле, мин бит – Әни!
Балаң булгач, үзең аңларсың...»

                     Ләйсән ЮНЫСОВА
«Сөендерер идем...» дип уйлап йөрү дә әйбәт. Әмма сөендереп әйткән һәр сүз тәрәзәдән очып кергән ак күгәрчен кебек көтелмәгән була бит ул. Бәйрәм яки юбилей белән котлау, хәтта мәхәббәт аңлату, шатлык уртаклашу яки болай гына – җанда җылы булганга күрә генә әйбәт, ягымлы сүз әйтү мөмкинлеге бирә сайтыбыздагы бу тәрәзә.
Сез аның аша җанга якын, кадерле кешеләрегезне сөендерә аласыз. Күңелегездә шундый ниятегез бар икән, моның өчен:
  • Якыныгызны сөендерәчәк сүзләрне язып, редакция адресына юллагыз (котлыйсы кешегезнең исем­фамилиясен төгәл күрсәтергә онытмагыз).
  • Котларга теләгән якын кешегезнең сыйфатлы фотосын да хат белән салсагыз, сайтка котлавыгызны аның рәсеме белән бергә урнаштырырбыз.
  • Хат, фотоны электрон адресыбызга җибәрә аласыз – ssuum@yandex.ru.
  • Элемтәгә керү өчен телефоныгызны күрсәтсәгез бик рәхмәтле булырбыз.

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Матбугат чаралары белән элемтәләр урнаштыру булеге белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com