Балаларга – тагын бер әкият! / Фоторепортаж / Сөембикә
Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битФоторепортаж → Балаларга – тагын бер әкият!

Балаларга – тагын бер әкият!

Ландыш Әбүдәрова
Ландыш Әбүдәрова
14 февраля 2018
294 карау
Г. Кариев исемендәге Казан Татар дәүләт яшь тамашачылар театрында тагын бер премьера, балалар өчен тагын бер әкият – бу юлы алар Владимир Илюховның “Саранлыктан дәва” әсәрен сәхнәләштергәннәр. Спектакльнең жанры – музыкаль әкият.
Әкияттә Убырлы карчыкның саранлык һәм башка начар гадәтләр тутырылган сандыгын Урман иясе үзенә алып, яшереп куя. Убырлы башка җәнлекләр белән беррәттән, урман җыештырасы килмичә, сандыкны кайтару өчен төрле хәйләләр кора. Ләкин хәйләсе барып чыкмыйча, ялгышлык килеп чыга. Бөтен урманга саранлык тула. Урман җәнлекләре саранлык белән авырый башлый. Йогышлы авыруны туктатырга Урман иясе алынмаса, ниләр булып бетәр иде икән?!.
 
Сәхнәдә готика стилендәге экстравагант Убырлы, балачак әкиятләрендәге Тылсымчы бабай, балаларның уенчык тартмаларыннан “җанланып” сикереп төшкән йомшак уенчыклар кебек җәнлекләр – барысы да балаларга “саранлык” дигән сыйфатның тамыр җәюе нинди нәтиҗләргә китерә, дигән нәсыйхәтне төшендерә.
 
Спектакль – яшь тамашачылар театры өчен махсус укыган режиссер Эльдар Гатауллинның дебют эше. Биюләрне театрның балетмейстеры Нурбәк Батулла куйган, спектакльгә музыканы Азат Хөсәенов язган, сәхнә бизәлеше – Иршат Азихановтан. Премьера “Татнефть" компаниясенең социаль проектында “Экология” номинациясе буенча откан грант акчасына эшләнгән.
 
Театрның быелгы сезонында Рүзәл Мөхәммәтшин либреттосы буенча мюзикл һәм Ләйлә белән Мәҗнүн тарихы сәхнәләштереләчәк.
 
 

Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com