Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»

* * *

​Лилия Фәттахова
​Лилия Фәттахова
09 февраля 2018
295 карау
* * *
Үрсәләнгән җанның әрнүенә
Елап  түзеп  буламыни?! -
Көләм әле...
Балавызы эреп аккан
канатлардан
Торса торсын барыр юлым
Күләгәле...
Булса булсын офыкларда
Тоташ  рәшә...
Томаннарга уралсыннар
Хыялларым...
Көләм әле!
Җавап тапмас сорауларны
Сызып атып,
Юраулардан аерам да
Сукмагымны-
китәм атлап...
Ә аннары...
Ә аннары...
Бәлки...
Тагын...
Беләм инде -
тагын  сиңа киләм әле.

Елап түзеп буламыни
Җан сызганда?! -
Сызлануны басар өчен -
Көләм әле!..


* * *
Мин сокланам сезгә,
Гел яктылык,
Гел яхшылык күргән кешеләр!

Салулаган чакта чаналарым,
Кәеф-арбам упкыннарга тартса,
Сезне уйлыйм...
Көчем кайта шул мәл,
Дәрт-дәрманым арта.
Фәрештәдәй, сезнең ишеләр,
Мине генә түгел, Җирнең үзен
Галәм буйлап тарта.

Мин сокланам сезгә, якты җаннар!
Сезнең  өчен Җир дә- 
Оҗмах  йорты...


* * *
Җәйге буран... Көзге ташу...
Кышкы  ләйсән...
Мондый хәлләр
Булмас димә  күңел  белән.
Кич-иртәсен  буташтырган 
күңел бит ул...
Үзе  фәрман   чыгара да 
Үзе үти.
Йә  үтәми...
Берәр  кылын өзү  белән...
Көзгедәге  чагылышың түгел  бит ул -
Кайтавазлар  кире кайта
Йөзе  белән...


* * *
Син төшергән фотоларга карыйлар да,
Күренеп тора, бәхетлесең, диләр.
Ә мин әле бәхетемне минем
Тик  син генә  күрәсең, дим... Юләр!

Күренә икән бөтен дөньясына
Керфек арасына  поскан  шатлык.
Иреннәре  серен чишә тагын:
"Эзләгәнне таптык...таптык...таптык!"

Бит очыннан  үбеп алган  Кояш
Үз игезен тапканына сөенә!..
Фотодагы ул бәхетле минме?-
Ә мин  никтер күрәм  сине генә...

фото: https://pixabay.com

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Матбугат чаралары белән элемтәләр урнаштыру булеге белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com