Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битМәдәниятУкучыларыбыз иҗаты → Кире кайта төштә узганнар

Кире кайта төштә узганнар

Фойгт Энзе Нурислам
Фойгт Энзе Нурислам
04 сентября 2017
192 карау

Кире кайта төштә узганнар

Таңымда әйләнәм томанлы,
Күңелем шуңа сагышлы.
Йөрәгемә үткен суккалый,
Тозлы-ачы дым томанның.

Кире кайта төштә узганнар,
Аҗагандай сүнсә хыял.
Бәргәләнсәм таптап узарлар,
Яраланыр җаным - ялан.

Уйларым оча бөркет булып,
Ботарларга әзер җанны.
Ходаем,тик син хәбәр булып,
Сакла канатлы язмышны.

Көчсез калсам гөмер юлымда,
Бирче вакыт хәл алырга.
Ходаем, ташлама догаңнан,
Бик авыр бит менү тауга.

Уйларым оча бөркет булып,
Ботарларга әзер җанны.
Ходаем,тик син хәбәр булып,
Сакла канатлы язмышны.
01.09.17

 

Сынауларга булып түзем...

Бәхетлемен - исән бит, яшим...
Сабыр итеп hәм кичереп.
Бәхетлемен - алдауны белмим,
Ялганны узам читләтеп...

Бәхетлемен - якты өметем,
Тугандаш җаннар янәшә.
Бәхетлемен- минме сөйгәне?!
Ходаем коча өшесәм...

Бәхетлемен - ай койса нурын,
Сизелми очкан елларга.
Бәхетлемен- бар канатым,
Күтәрергә hаваларга...

Бәхетлемен - соңламаганга,
Төщенеп хакыйкать сүзгә.
Бәхетлемен - гади булганга,
Сынауларга булып түзем...
02.09.17

 

Тормыш кагыйдәсе

Тормыш күңелле театр түгел,
Хәтерләтә кайчак драманы.
Елама, кысып йодрык, түзә бел.

Бәхет йөрәкнең шашкан мизгеле,
Тиз үтә торган бит күренеш.
Су сипмәсәң, шиңә тиз гөлләре.

Язмышлар, ялгышлар, аерылу,
Табылмас аларга аңлатма.
Бик авырдыр канатны каеру.

Тормыш ул бүгенге, "ахыргы" көн..
Яхшылык кылып, сөеп калыйк.
Гөмер-җеп, өзелергә мөмкин.

Нахак бәла, уйламый якмагыз,
Йөрәк мәңге аны кичермәс...
Кеше хәлен белми,таш атмагыз.

Без туганда ук бәхет туадыр,
Әти-әни булса догада.
Ул да безнең юлларны узадыр.

Тормышта hәркем уза сынаулар,
Сабырлык булса - алда булыр
Баскыч менәргә айлы дөньяга!
02.09.17


 

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com
Orgy